თბილისიდან გატაცებული აზერბაიჯანელი ჟურნალისტის მეუღლის ლეილა მუსტაფაევას განცხადებით, აფგან მუხთარლის გატაცება საქართველოს ხელისუფლებას აწყობდა.

როგორც მუსტაფაევამ "რუსთავი 2"-ის ეთერში განაცხადა, მუხთარლის გატაცება აზერბაიჯანის და საქართველოს უსაფრტხოების სააგენტოების ერთობლივი სპეცოპერაცია იყო.

 "აფგან მუხთარლი ნამდვილად გაიტაცეს საქართველოდან. ეს იყო საქართველოს და აზერბაიჯანის უსაფრთხოების სამსახურების ერთობლივი სპეცოპერაცია. ამის გამოა ის დღეს ციხეში. საქართველოს პრემიერ-მინისტრმა გიორგი კვირიკაშვილმა, უსაფრთხოების სამსახურის ხელმძღვანელმა და შინაგან საქმეთა მინისტრმა იცოდნენ აფგანის გატაცების შესახებ. მათ მოამზადეს გატაცების ოპერაცია. ამაში ღრმად ვარ დარწმუნებული. ისინი მონაწილეობდნენ და თანამზრახველები არიან. მათთვის ცნობილი იყო, რომ აფგანს დაწყებული ჰქონდა ჟურნალისტური გამოძიება აზერბაიჯანის პრეზიდენტის ოჯახისა და აზერბაიჯანელი პოლიტიკოსების ბიზნესზე საქართველოში. ისიც იცოდნენ, რომ ერთ დღეს მათაც შეეხებოდა და ამიტომ, აწყობდათ აფგანის გატაცება და აზერბაიჯანის უშიშროებისთვის მისი გადაცემაც", - განაცხადა ლეილა მუსტაფაევამ. 

შეგახსენებთ, რომ აზერბაიჯანელი ჟურნალისტი თბილისიდან მიმდინარე წლის 29 მაისს გაიტაცეს. მოგვიანებით ის აზერბაიჯანის საზღვარზე "დააკავეს". მას ბრალი 3 მუხლით ედება: საზღვრის უკანონო გადაკვეთა, სამართალდამცველებისთვის წინააღმდეგობის გაწევა და კონტრაბანდა. მას არადეკლარირებული 10 ათასი ევრო აღმოუჩინეს ჯიბეში. ამჟამად მუხთარლი აზერბაიჯანში წინასწარი პატიმრობის იზოლატორში იმყოფება. საქართველოში შსს-მ გამოძიება სისხლის სამართლის კოდექსის 143-ე მუხლით დაიწყო, რაც თავისუფლების უკანონო აღკვეთას გულისხმობს. ევროპარლამენტმა აფგან მუხთარლის საქმეზე რეზოლუცია მიიღო.

აშშ-ის სახელმწიფო დეპარტამენტი აზერბაიჯანელი რედაქტორის გათავისუფლებას მოითხოვს. აღსანიშნავია, რომ მუხთარლი ოჯახთან ერთად საქართველოში 2 წლის წინ გადმოვიდა საცხოვრებლად. როგორც ის აცხადებდა, ამის მიზეზი აზერბაიჯანის ხელისუფლების მხრიდან მასზე ზეწოლის განხორციელება გახდა.

ავტორი: ,

სოციალური ქსელები

„არმია იარაღს კრემლის წინააღმდეგ მიმართავს“ უკრაინასთან ომის ვეტერანმა პუტინის წინააღმდეგ სამხედრო ამბოხება იწინასწარმეტყველა

ტრამპის ირანთან შეთანხმების შემდეგ, რუსული ნავთობის ფასი 50 დოლარამდე დაეცა

კომუნიკაციების კომისია სარედაქციო დამოუკიდებლობაში ჩაერია და „ტვ პირველი“ 2500 ლარით დააჯარიმა

თსსუ-ს საუნივერსიტეტო კლინიკიდან ვარდნის შედეგად ქალი დაიღუპა