„ნაციონალური მოძრაობის“ ლიდერის ნიკა მელიას განცხადებით, სახელმწიფო უსაფრთხოების სამსახური ქვეყნის მოსახლეობის უსაფრთხო ცხოვრებას ვერ უზრუნველყოფს.

როგორც მელიამ პლენარულ სხდომაზე განაცხადა, პარლამენტში შესაბამისი საგამოძიებო კომისია უნდა შეიქმნას.

"ის რაც თბილისში მოხდა 10 დღის წინ არის უმძიმესი. ამას აქვს 2 ახსნა: ან მოხდა საერთაშორისო ტერორიზმში ბრალდებული ადამიანების შემოპარვა ქვეყანაში და მერე მათ მოახერხეს განლაგება თბილისის ცენტრში, ან არის მეორე ახსნა, რომ სახელმწიფო დონეზე რაღაცა ჯგუფმა შეითანხმა მათი ქვეყანაში შემოყვანა გაურკვეველი მიზნების შესასრულებლად. მერე მოხდა ამ შეთანხმების დარღვევა და ამის მიღმა მოხდა ის რაც ვიხილეთ. პირველი პრაქტიკულად არის შეუძლებელი, იმიტომ, რომ სახელმწიფო უსაფრთხოების სამსახურის განცხადებით ჩვენ ვიცით, რომ ხორციელდებოდა მათი თვალთვალი და მეტიც ნებისმიერი დეპუტატი, რომ მივიდეს ისანში და გაესაუბრება მაცხოვრებლებს, ყველა ერთხმად საუბრობს, რომ თვეების განმავლობაში ხორციელებოდა თვალთვალი სუს-ის მიერ. ამაზე საუბრობს ადგილობრივი მოსახლეობა. ეს გამორიცხავს, რომ ეს ადამიანები იყვნენ შემოპარულნი. სუს-ის სისტემა არის მოშლილი. დასადგენია ამ ადამიანების მოტივი, ვინ შეუწყო ხელი, რომ ისინი ყოფილიყვნენ თვეების განმავლობაში. ხელის გულზე დევს რეალობა, რომ სუს-ი ვერ უზრუნველყოფს უსაფრთხო გარემოში ცხოვრებას. ვითარება საგანგაშოა და საჭიროა პარლამენტში შესაბამისი კომისიის შექმნა. შეიქმნას საგამოძიებო კომსსია და მოხდეს განხილვა", - განაცხადა ნიკა მელიამ.

ავტორი: ,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება