„თბილისის აბრეშუმის გზის ფორუმის“ ფარგლებში სატრანსპორტო კომუნიკაციების განვითარების და სატრანზიტო დერეფნის მნიშვნელობაზე   აზერბაიჯანის ტრანსპორტის, კომუნიკაციებისა და ტექნოლოგიების მინისტრმა ისაუბრა.  

  რამინ გულუზადეს განცხადებით, აზერბაიჯანი დიდ ყურადღებას უთმობს  საერთაშორისო გადაზიდვების გამარტივების საკითხს.

„მინდა სიამაყით აღვნიშნო, რომ წელს, 30 ოქტომბერს, ჩვენ სატრანსპორტო  სფეროში გრანდიოზული მოვლენის მოწმენი გავხდით, - გავხსენით ბაქო-თბილისი-ყარსის საერთაშორისო სარკინიგზო ხაზი.  ამ ღონისძიებაში სხვადასხვა ქვეყნის, მათ შორის  აზერბაიჯანის და საქართველოს ლიდერები მონაწილეობდნენ. ამ მარშრუტის  შექმნა აზერბაიჯანის საქართველოს და თურქეთის თანამშრომლობის შედეგია.  ეს პროექტი ხელს შეუწყობს ურთიერთობის გაღრმავებას და  ვაჭრობის გაფართოებას“, - განაცხადა რამინ გულუზადემ.

აზერბაიჯანის ტრანსპორტის, კომუნიკაციებისა და ტექნოლოგიების მინისტრის განცხადებით,  ბაქო-თბილისი-ყარსის პროექტი ხელს შეუწყობს სამივე ქვეყანაში ეკონომიკის, ტურიზმის, სოციალური კუთხით ურთიერთობების გაღრმავებას.

 რამინ გულუზადეს თქმით,  აზერბაიჯანს, საქართველოსა და თურქეთს შორის თანამშრომლობით  მრავალი პროექტი განხორციელდება. 

(NS) 

ავტორი: ,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა