ადვოკატის განცხადებით, ტერორიზმთან კავშირში ბრალდებულის წინააღმდეგ მტკიცებულებები არ არსებობს

2017-11-24 15:03:14, 2420 ნახვა

სამართალი

ტერორიზმში ბრალდებულის ადვოკატის იმედა ქარქაშაძის ინფორმაციით, მისი დაცვის ქვეშ მყოფი ბრალს არ აღიარებს და დუმილის უფლებას იყენებს.

როგორც ადვოკატმა აღნიშნა, საქმეში არავითარი მტკიცებულებები არ არსებობს.

"გიდასტურებთ, რომ ჩემი დაცვის ქვეშ მყოფი რუსეთის მოქალაქეა. დაცვის მხარის შუამდგომლობით პროცესი დახურულ კარს მიღმა მიმდინარეობს. მინდა ვთქვა, რომ მტკიცებულებები არ არსებობს. ჩემი დაცვის ქვეშ მყოფი დანაშაულს არ აღიარებს და დუმილის უფლებას იყენებს. მისივე განცხადებით, არანაირი შეხება არ აქვს ტერორისტულ ორგანიზაციებთან. ჩემი დაცვის ქვეშ მყოფი დააკავეს სპეცოპერაციის დაწყებამდე, იმ ადგილიდან მოშორებით", - განაცხადა იმედა ქარქაშაძემ.

ცნობისთვის, თბილისის საქალაქო სასამართლოში დაახლოებით 1 საათზე მეტია სასამართლო პროცესი მიმდინარეობს. პროცესი დახურულ კარს მიღმა ტარდება და მედიას მისი გაშუქების საშუალება არ აქვს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები