2017-11-12 19:43:02, 2895 ნახვა
პოლიტიკა
სტრუქტურულ და საკადრო ცვლილებებზე გიორგი კვირიკაშვილი ხვალ 11 საათზე საგანგებო ბრიფინგს გამართავს
დაგეგმილ სტრუქტურულ და საკადრო ცვლილებებთან დაკავშირებით, საქართველოს პრემიერ-მინისტრის გიორგი კვირიკაშვილის საგანგებო ბრიფინგი ხვალ, 11:00 საათზე, მთავრობის ადმინისტრაციაში გაიმართება.
ამის შესახებ პრემიერ-მინისტრის პრესსამსახური ავრცელებს ინფორმაციას.
ცვლილებებთან დაკავშირებით მმართველი გუნდი დილიდან კონსულტაციებს მართავს.
პარლამენტის თავმჯდომარე ირაკლი კობახიძე ვარაუდობს, რომ პარლამენტის მიერ ხელახალი ნდობის გამოცხადება მთავრობისთვის საჭირო გახდება.
მთავრობის შემადგენლობისთვის ხელახალი ნდობის გამოცხადება კი იმ შემთხვევაში ხდება, თუ ცვლილება 7 მინისტრს-ანუ, მინისტრთა კაბინეტის ერთ მესამედს ეხება.
![]()
ავტორი: ,
epn.ge (@expressnews.ge)
