2017-11-07 15:30:42, 2329 ნახვა
მსოფლიო
ემირ კუსტურიცა ოკუპირებული აფხაზეთის „კეთილი ნების ელჩი“ გახდა
სერბი კინორეჟისორი ემირ კუსტურიცა ოკუპირებული აფხაზეთის ”კეთილი ნების ელჩი“ გახდა, - ამის შესახებ "სპუტნიკ-აბხაზია" იუწყება.
მედია საშუალების ინფორმაციით, შესაბამისი სერტიფიკატი და მედალი კუსტურიცას მოსკოვში გადასცეს.
კინორეჟისორი თვლის, რომ მსოფლიო თანამეგობრობამ ყურადღება უნდა მიაქციოს „აფხაზეთის კულტურული მემკვიდრეობის" დაცვის საკითხს.
„მე, როგორც გაერო-ს კეთილი ნების ელჩი, მხარს ვუჭერ „აფხაზეთის კეთილი ნების ელჩების“ მოწოდებას. ძველი ქრისტიანული ტაძრები, რომლებიც აფხაზეთში მდებარეობს, უნდა შენარჩუნდეს და მომავალ თაობებმა ისინი უნდა ნახონ“, - განაცხადა ემირ კუსტურიცამ.
მანვე დასძინა, რომ „აფხაზეთი მსოფლიო ქრისტიანობის უძველესი ცენტრია“. რეჟისორი თვლის, რომ მსოფლიო თანამეგობრობამ, განსაკუთრებით კი, გაერომ, „არ უნდა უგულებელყოს აფხაზეთში მსოფლიო ქრისტიანული კულტურის ძეგლების განადგურება“.
![]()
ავტორი: ,
epn.ge (@expressnews.ge)
