საგარეო საქმეთა მინისტრი მიხეილ ჯანელიძე ბაქო-თბილისი-ყარსის რკინიგზის გახსნას დადებითად აფასებს.

როგორც მან ჟურნალისტებს განუცხადა აღნიშნული პროექტი, არამხოლოდ საქართველოსთვის, არამედ რეგიონისთვის ძალიან მნიშვნელოვანია. მანვე დასძინა, რომ ქართული მხარე ყველაფერს აკეთებს, რათა ამ წინსვლაში მაქსიმალურად იყოს ჩართული.

„ეს პროექტი დიდი მნიშვნელობის მატარებელია როგორც ჩვენი ქვეყნისთვის, ისე მთელი რეგიონისთვის, ვგულისხმობ სამხრეთ კავკასიას და ცენტრალურ აზიას. ეს არის ახალი ხიდი, რომელიც აკავშირებს ევროპასა და აზიას. საქართველოს აქტიურად არის ჩართული ამ პროექტის წარმატებით შესრულებაში. ეს არის დიდი წარმატება, რომელიც ეკონომიკურ წინსვლაზე, განვითარებაზე, ახალ შესაძლებლობებზე, მშვიდობაზე და სტაბილურობაზეა ორიენტირებული“, - განაცხადა მიხეილ ჯანელიძემ.

შეგახსენებთ, აზერბაიჯანში დღეს ბაქო-თბილისი-ყარსის რკინიგზის გახსნის ოფიციალური ცერემონია გაიმართება. ღონისძიებას აზერბაიჯანის პრეზიდენტის, ილჰამ ალიევის მიწვევით, საქართველოს პრემიერ-მინისტრი გიორგი კვირიკაშვილი დაესწრება.

ავტორი: ,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო