ხოშტარია: „ოცნებას“ ხალხი არჩევნებზე ძალით მოჰყავს, რადგან იციან, რომ აგებენ

2017-10-21 17:38:17, 1921 ნახვა

კომენტარი

"ევროპული საქართველოს" თბილისის მერობის კანდიდატის ელენე ხოშტარიას განცხადებით, მმართველ გუნდს "ხალხი არჩევნებზე ძალით მიჰყავს".

როგორც ხოშტარიამ ბრიფინგზე განაცხადა, "ქართულმა ოცნებამ" იცის, რომ დღეს ძლიერი არ არის. მერობის კანდიდატმა მოსახლეობას აქტიურობისკენ მოუწოდა.

"ხალხი არჩევნებზე პირადპირ ძალით მოჰყავთ. სწორედ იმიტომ, რომ მათ ესმით, ისინი აგებენ ამ არჩევნებს და ეს ერთადერთზე მეტყველებს, რომ "ქართული ოცნება" არ არის დღეს ძლიერი. იმისთვის, რომ საქმე მივიყვანოთ ბოლომდე, რომ თბილისში "ქართულმა ოცნებამ" აგოს პასუხი უამრავ ტყუილზე, რომელიც უთხრა თბილისის მოსახლეობას, მოვუწოდებ ყველა ჩემს მომხრეს, ყველა ოპოზიციურ ამომრჩეველს არ დაიზაროთ, მობრძანდით საარჩევნო უბნებზე, გამოხატეთ თქვენი ნება, იმიტომ, რომ ეს არის ჩვენი შანსი, რომ მივცეთ განვითარება ამ ქალაქს. ეს არის ჩვენი შანსი, რომ დემოკრატიულად შევცვალოთ ხელისუფლება, დემოკრატიულად შევცვალოთ "ქართული ოცნება" თბილისში და ეს არის ჩვენი შანსი, რომ მთლიანად ქვეყანაში მოვიტანოთ პოზიტიური ცვლილებები", - განაცხადა ელენე ხოშტარიამ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები