„რატომ უნდა ვილაპარაკო ხადურის სინტაქსით?!“ - ასე უპასუხა საქართველოს პრეზიდენტმა გიორგი მარგველაშვილმა „იმედის“ ეთერში გადაცემა "რეაქციაში" ლარის გაუფასურებასთან დაკავშირებით დასმულ შეკითხვას - მისი შეფასებით, ლარის დღევანდელი მდგომარეობა, რომელმაც უამრავი ადამიანისთვის ცხოვრება გააძვირა, მოსახლეობისთვის შოკია თუ "შოკუნია".

მარგველაშვილის შეფასებით, გარე ეკონომიკური ფაქტორები, რომლებმაც ლარის კურსის დევალვაციაზე გავლენა მოახდინეს, მოსალოდნელი იყო.

"ეს არის სერიოზული სირთულე. ბუნებრივია, სირთულის დიდი ნაწილი გარე ფაქტორებითაა შექმნილი, იმ ეკონომიკური ვითარებიდან, რაც ჩვენს გარშემოა. თუმცა ჩვენ რამდენად ვიყავით მზად იმისთვის, რაც მოსალოდნელი იყო და დოლარის გამყარება მოსალოდნელი იყო, ეს არ არის ფორსმაჟორული ეკონომიკური პროცესი. რუსეთში, უკრაინაში არსებული ეკონომიკური   პრობლემები, რაც აისახებოდა ჩვენს რეგიონზე მოსალოდნელი იყო. რამდენად ვიყავით მზად, რამდენად გვქონდა ინფორმაცია, რამდენად მოემზადა ეკონომიკა და ახლა რამდენად არსებობს ეფექტური ნაბიჯები, ენერგიული ნაბიჯები იმასთან მიმართებაში, რომ მეტი უცხოური ინვესტიცია და ვალუტა შემოვიდეს. ამასთან დაკავშირებით მე ნათლად დავაფიქსირე ჩემი პოზიცია პარლამენტში და ნათლად ვთქვი, რომ ლარის დასტაბილურებისათვის ბევრი რამაა გასაკეთებელი და ენერგიულად ჩართულობა ძალიან საჭიროა“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა