პარლამენტის თავმჯდომარე ირაკლი კობახიძე „რუსთავი2“-ის  მიერ გავრცელებულ ინფორმაციას გამოეხმაურა, რომლის თანახმადაც, წინასაარჩევნოდ „ქართული ოცნების“  შემომწირველების დიდ ნაწილს წარმოადგენენ  კომპანიები, რომლებიც სახელმწიფო ტენდერებს სისტემატიურად იგებენ.

კობახიძის თქმით, ეს მხოლოდ დამთხვევაა, რასაც სრულიად ლოგიკური საფუძველი აქვს:

„ასეთი დამთხვევები სრულიად ბუნებრივია, მსხვილი კომპანიების ძალიან დიდი ნაწილი მონაწილეობს ტენდერებში და მათი დიდი ნაწილი „ქართული ოცნების“ შემომწირველია. ამ დამთხვევას აქვს სრულიად ლოგიკური საფუძველი, არანაირი ნიშნები, პირდაპირი კავშირი ტენდერებსა და შემოწირულობებს შორის არ არსებობს. შეგიძლიათ ერთმანეთს შეადაროთ ოპოზიციური პარტიების და კანდიდატების დეკლარირებული შემოსავლები და ხარჯები და რეალური ხარჯები კამპანიის“,-აღნიშნა კობახიძემ და დასძინა, რომ  სამწუხაროდ, საქართველოში ოპოზიცია არ ახდენს საკუთარი შემოსავლების და ხარჯების სათანადო დეკლარირებას.

„ეს არის ამ გარემოების მთავარი მიზეზი“, - ამბობს კობახიძე.

ცნობისთვის, ფიზიკური პირების შემოწირულებების ანალიზის დროს დამატებითი კითხვების არსებობის გამო, გამოკითხვაზე 31 პირია დაბარებული, საიდანაც 13 არის „ევროპული საქართველოს“ შემომწირველი, ხოლო 18 - „ქართული ოცნების“.

 პირველ ეტაპზე დაბარებული 14 ფიზიკური პირის შემდგომ, დამატებით დაბარებულია 17 პირი, საიდანაც 9 პირი არის „ქართული ოცნების“, ხოლო 8 - „ევროპული საქართველოს“ შემომწირველი. ამ ეტაპზე უკვე გამოკითხულია „ევროპული საქართველოს“ 10 და „ქართული ოცნების“ 4 შემომწირველი ფიზიკური პირი.

შეგახსენებთ, სახელმწიფო აუდიტის სამსახურის პოლიტიკური პარტიების ფინანსური საქმიანობის მონიტორინგის სამსახური ადგილობრივი თვითმმართველობის არჩევნების შუალედური ანგარიშის თანახმად, საარჩევნო სუბიექტებმა 1-ელი ივლისიდან 15 ოქტომბრის ჩათვლით, ჯამში 12,998,651.16 ლარის ოდენობის შემოწირულება მიიღეს.

კერძოდ, „ქართულმა ოცნებამ“ ჯამში 11,640,441.00 ლარის შემოწირულება მიიღო, „ევროპულმა საქართველომ“ - 931,083.95 ლარი, „ნაციონალურმა მოძრაობამ“ - 108,149.21 ლარი, „პატრიოტთა ალიანსმა“ - 63,142.00 ლარი, „ახალმა საქართველომ“ - 35,100.00 ლარი, „დემოკრატიულმა მოძრაობამ“ - 31,486.00 ლარი, დომენტი სიჭინავამ - 50,150.00 ლარი, ალექსანდრე ელისაშვილმა - 31,431.00 ლარი, გულო ზუმბაძემ - 15,500.00 ლარი, სხვა საარჩევნო სუბიექტებმა კი - 92,168.00 ლარი მიიღეს.

ავტორი: ,

სოციალური ქსელები

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა