2017-10-14 11:03:26, 2091 ნახვა
საზოგადოება
მსახიობ ლიკა ქავჟარაძეს დღეს დაკრძალავენ
ცნობილ ქართველ კინომსახიობს, ლიკა ქავჟარაძეს, დღეს ვაკის სასაფლაოზე დედის გვერდით დაკრძალავენ.
მსახიობს, დღეს 14 საათზე, ვაკის ყოვლადწმინდა სამების ტაძარში გადაასვენებენ, შემდეგ კი ვაკის სასაფლაოზე, დედის გვერდით, 15 საათზე დაკრძალავენ.
ლიკა პროფესიით პიანისტი იყო, თუმცა მას საქართველოს კინოს ისტორიაში 20-მდე როლი აქვს შესრულებული. ის საზოგადოებას განსაკუთრებით ,,მარიტას’’ როლიდან ახსოვს.
მსახიობი 57 წლის ასაკში, საკუთარ საცხოვრებელში გარდაცვლილი იპოვეს. შინაგან საქმეთა სამინისტრომ გარდაცვალებასთან დაკავშირებით გამოძიება დაიწყო 115-ე მუხლით, რაც თვითმკვლელობამდე მიყვანას გულისხმობს.
შეგახსენებთ, რომ მსახიობი 11 ოქტომბერს, საკუთარ სახლში გარდაცვლილი იპოვეს.
![]()
ავტორი: ,
epn.ge (@expressnews.ge)
