ესპანეთის სასამართლომ კატალონიის პოლიციის უფროსის ჰოსეპ ლუის ტრაპეროს წინააღმდეგ სისხლის სამართლის საქმე აღძრა, - ამის შესახებ AFP იუწყება.

მედია საშუალების ინფორმაციით, ტრაპეროს აჯანყების მოწყობის აგიტაციას ედავებიან.

მედიის ცნობით, კატალონიის პოლიციის უფროსის და ამავე საქმეში, კიდევ 3 ეჭვმიტანილის სასამართლო პროცესი პარასკევს გაიმართება.

როგორც სააგენტო წერს, 20-21 სექტემბერს ბარსელონაში ეროვნული უშიშროების სამსახურმა მასობრივი რეიდი განახორციელა. ჩხრეკა ძირითადად სამთავრობო ოფისებში ჩატარდა. აღნიშნულს მასობრივი პროტესტი მოჰყვა. ოფიციალურმა მადრიდმა კატალონიის პოლიცია იმაში დაადანაშაულო, რომ ორგანომ რეიდებში მონაწილეობა არ მიიღო.

AFP იტყობინება, რომ აღნიშნული ბრალდება, რომელიც განხორციელებულია საჯარო მოხელის მიერ 15 წლამდე პატიმრობით ისჯება.

შეგახსენებთ, რომ კატალონიაში ე.წ. რეფერენდუმი კვირას, 1 ოქტომბერს ჩატარდა. მასში მონაწილეობა 2 მილიონზე მეტმა ადამიანმა მიიღო. წინასწარი მონაცემებით, ესპანეთიდან გამოყოფას ამომრჩევლების 90%-მა დაუჭირა მხარი. ამასთან, ე.წ. რეფერენდუმი დაძაბულ ვითარებაში, შეტაკებების ფონზე წარიმართა. მომხდარი შეტაკების შედეგად, დაშავებულთა რიცხვი 893 შეადგენს, მათ შორის არიან სამართალდამცველებიც. კატალონიის რეგიონალურმა ხელისუფლებამ 2,300 საარჩევნო უბნის გახსნა მოახერხა, საიდანაც პოლიციამ 400-მდე საარჩევნო უბანი დახურა. ოფიციალური მადრიდი, ისევე როგორც ევროკავშირი პლებისციტს არ აღიარებენ და არაკანონიერს უწოდებენ.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია