ევროკომისიის პრეზიდენტის ჟან-კლოდ იუნკერის განცხადებით, Brexit-ის, მოლაპარაკებების საკითხების მოგვარებას, "სასწაული" დასჭირდება, - ამის შესახებ BBC იუწყება.

იუნკერმა ევროკავშირის განვითარებაზეც ისაუბრა და დასძინა, რომ გაერთიანებას ახალი წევრები ეყოლება.

"2019 წლის მარტის ბოლოდან, მას შემდეგ, რაც ბრიტანეთი ევროგაერთიანებას დატოვებს, ევროკავშირში 27 სახელმწიფო იქნება, თუმცა მომდევნო 5 წელიწადში 27-ზე მეტი“, - აღნიშნა იუნკერმა.

შეგახსენებთ, რომ Brexit-ის პირობების შესახებ ოფიციალური მოლაპარაკებები 19 ივნისს დაიწყო. გაერთიანებული სამეფოს ევროკავშირიდან გასვლის შესახებ რეფერენდუმი 2016 წლის 23 ივნისს ჩატარდა. ამ გადაწყვეტილებას მხარი პლებისციტში მონაწილე მოქალაქეების ნახევარზე მეტმა დაუჭირა, რის შემდეგაც მაშინდელი პრემიერ-მინისტრი დევიდ კამერონი გადადგა - ის ევროკავშირიდან გასვლას ეწინააღმდეგებოდა. მისი ადგილი ტერეზა მეიმ დაიკავა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს