სახელმწიფო დაცვის სპეციალურმა სამსახურმა 20 ერთეული ახალი ავტომანქანის შესაძენად ტენდერი გამოაცხადა.

როგორც ტენდერშია გაწერილი, ავტომობილების ყიდვაზე ბიუჯეტიდან 829 110 ლარია გამოყოფილი. აღნიშნული გულისხმობს, იმას რომ თითო ავტომობილი საშუალოდ 41 455 ლარი დაჯდება.

ავტომობილების შესყიდვების გამოცხადების თარიღად 19 სექტემბერი ფიქსირდება. ტენდერში მონაწილეობის მსურველთა წინადადებების მიღება უწყებაში 29 სექტემბერს და 2 ოქტომბერს 13:00 საათზე დასრულდება.

ტენდერის პირობების თანახმად, ავტომობილების მიწოდება ხელშეკრულების გაფორმებიდან 90 დღის განმავლობაში უნდა მოხდეს. ამასთან, ტენდერში აღნიშნულია, რომ ოცივე ავტომობილი 2017 წელს უნდა იყოს გამოშვებული და მათზე მინიმუმ 3-წლიანი გარანტია უნდა ვრცელდებოდეს.

საკითხთან დაკავშირებით "ექსპრესნიუსი" ბიუჯეტის დაგეგმვის, კონტროლისა და სახელმწიფო შესყიდვების სამმართველოს უფროსის მოადგილეს, ვასილ მეგრელიშვილს დაუკავშირდა.

როგორც მეგრელიშვილმა ჩვენთან საუბარში აღნიშნა, 20 ახალი ავტომობილით, სამსახურის სარგებლობაში არსებული ავტომობილების ჩანაცვლება მოხდება.

მისივე თქმით, ამ დროისთვის ექსპლუატაციაში არსებული ავტომობილები "დაძველდა".

"ჩვენი სამსახურის სპეციფიკიდან გამომდინარე ავტომობილები მუშაობს სრული დატვირთვით და მათი ნაწილი აღარ მუშაობს. ზოგი იმდენად არის გაფუჭებული, რომ მათი გაკეთება ახალი მანქანის ყიდვის ტოლფასია", - განაცხადა მეგრელიშვილი.

ავტორი: ,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს