„თქვენ დღეს მიდიხართ ქართველი ხალხის ნების წინააღმდეგ და ეს აუცილებლად დაგიბრუნდებათ ძალიან ცუდად“, - ასე მიმართა „ნაციონალური მოძრაობის“ წევრმა სალომე სამადაშვილმა პარლამენტის რიგგარეშე სხდომაზე მმართველ გუნდს.

დეპუტატმა საკონსტიტუციო ცვლილებების წარმოდგენილი პროექტი კიდევ ერთხელ გააკრიტიკა და აღნიშნა, რომ მმართველი გუნდი ცვლილებებს საკუთარი ინტერესებიდან გამომდინარე იღებს.

 „მე მინდა შეგახსენოთ, რომ ყველაფერი დროებითია, მათ შორის ის სკამები, რომელსაც დღეს თქვენ იკავებთ დროებითია. ძალიან სამწუხაროა, რომ დღეს ბევრი თქვენგანი იღებს გადაწყვეტილებას, იქიდან გამომდინარე, თუ რა არის ამ სკამის შესანარჩუნებლად მათთვის მისაღები დღეს და არა იქიდან გამომდინარე, თუ რა ჭირდება ქვეყანას. რაც შეეხება თქვენს მიერ წარმართულ საკონსტიტუციო პროცესს, ბატონო თავმჯდომარე, სამწუხაროდ საქართველოს კონსტიტუციას ბევრმა მიაყენა შეურაცხყოფა, მაგრამ თქვენ საკონსტიტუციო პროცესი აქციეთ უბრალოდ ფარსად. ამიტომ დღეს, როდესაც ამ ტრიბუნიდან გვესაუბრებით იმაზე, რომ ეს კონსტიტუცია არის წინ გადადგმული ნაბიჯი ქვეყნისთვის, მინდა შეგახსენოთ, რომ კონსტიტუცია არ ეკუთვნის არცერთ ჩვენთაგანს, კონსტიტუცია ეკუთვნის ქართველ ხალხს და თქვენ დღეს მიდიხართ ქართველი ხალხის ნების წინააღმდეგ. ეს აუცილებლად დაგიბრუნდებათ თქვენ ძალიან ცუდად და ძალიან მალე. ჩვენ უნდა შეგვექმნა კონსენსუსი ქვეყნის მთავარ დოკუმენტზე, სამწუხაროდ, დღეს არათუ არ არსებობს კონსენსუსი, არამედ არსებობს კონსენსუსი სწორედ ამ დოკუმენტის წინააღმდეგ“, - განაცხადა სალომე სამადაშვილმა.

ცნობისთვის, პარლამენტი საკონსტიტუციო ცვლილებების პროექტს მესამე მოსმენით იხილავს. რიგგარეშე სხდომას, საკონსტიტუციო კომისიის წევრები, მთავრობის წარმომადგენლები, აღმასრულებელი ხელისუფლების წარმომადგენლები, აჭარისა და აფხაზეთის ავტონომიური რესპუბლიკის ხელმძღვანელები და NGO-ები ესწრებიან.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს