ამერიკის შეერთებული შტატების სახელმწიფო დეპარტამენტმა ქვეყანაში ჩასვლის მსურველებისთვის ვიზების გაცემა გაამკაცრა, - ამის შესახებ New York Times სახელმწიფო მდივან რექს ტილერსონზე დაყრდნობით იუწყება.

ახალი წესების მიხედვით, ვიზის მიმღები პირი ვალდებულია ამერიკაში შესვლიდან 3 თვის განმავლობაში შეასრულოს ის მიზანი, რაც ვიზის მისაღებად საჭირო დოკუმენტაციაში მიუთითა. იმ შემთხვევაში, თუ ვიზის მიმღები პირველი 3 თვის განმავლობაში ქვეყანაში ყოფნის მიზნებს შეცვლის და იმას განახორციელებს, რაც არ ჰქონდა მითითებული გასაუბრების დროს, მაგალითად დაიწყებს მუშაობას, დაქორწინდება აშშ-ის მოქალაქეზე და ასე შემდეგ, შესაბამისი უწყებები ჩათვლიან, რომ მან იცრუა და ვიზის გამცემ ორგანოს "ყალბი ინფორმაცია" მიაწოდა.

ცვლილების თანახმად, თუ მსგავსი ფაქტები დაფიქსირდება, პირს ვიზის მეორედ მიღება გაუჭირდება, შეექმნება პრობლემები სტატუსის მიღებასთან დაკავშირებით და იმ შემთხვევაში, თუ ის აშშ-ის ტერიტორიაზე იქნება, მას დეპორტაცია ემუქრება.

მედიის ცნობით, მიზნებისა და გეგმების შეცვლა 3 თვის შემდეგ შედარებით ნაკლებ პრობლემასთან არის დაკავშირებული, თუმცა მაინც ავრცელებს გარკვეულ შეზღუდვებს.

შეგახსენებთ, რომ ივნისში ამერიკამ 6 მუსლიმური ქვეყნების მოქალაქეებისთვის ვიზების მიღების წესები გაამკაცრა. ირანის, იემენის, ლიბიის, სირიის, სომალისა და სუდანის მოქალაქეები აშშ-ში ვიზის მიღებას მხოლოდ იმ შემთხვევაში შეძლებენ, თუ მათი ვიზიტის მიზანი საქმიანი შეხვედრა ან ახლო ნათესავების მონახულება იქნება.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია