ტეხასის შტატში ქარიშხალ "ჰარვის: შედეგად დაღუპულთა რიცხვი 44-მდე გაიზარდა, - ამის შესახებ Reuters იუწყება.

მედია საშუალების ინფორმაციით, 310 ათასი ადამიანი თავშესაფარშია გადაყვანილი. ამასთან, სტიქიის ზონაში 100 ათასზე მეტი სახლი დანგრეულია.

როგორც მედია წერს, ამერიკის შეერთებული შტატების ხელისუფლებამ დახმარების სახით უკვე გამოყო 530 მილიონი დოლარი.

გარდა ამისა, სტიქიით დაზარალებულ მოსახლეობას Hollywood-ის ვარსკვლავებიც ეხმარებიან. კერძოდ კი, ცნობილმა კომიკოსმა კევინ ჰარტმა, დაზარალებული ხალხის დასახმარებლად სოციალურ ქსელ ინსტაგრამში ვიდეო გაავრცელა, სადაც ცნობილ ადამიანებს მოუწოდა დაზარალებულებს ფინანსური დახმარება გაუწიონს. აღნიშნული "გამოწვევა" მსახიობებმა და მომღერლებმა უკვე უპასუხეს. მათი უმეტესობა „წითელი ჯვრის“ ანგარიშზე 25 000 დოლარს ან მეტ ფულად დახმარებას რიცხავს. გამოწვევაში უკვე ჩაერთვნენ მსახიობი დუეინ ჯონსონი, მომღერალი კრის ბრაუნი, რეპერი T.I., წამყვანი კიმ კარდაშიანი და სხვები. დაზარალებულების დასახმარებლად ოსკაროსანმა მსახიობმა ლეონარდო დი კაპრიომ 1 მილიონი დოლარი გამოყო.

ოფიციალური პირების ინფორმაციით, ქალაქში სხვა ქიმიური ქარხნების აფეთქებაა მოსალოდნელი. აღსანიშნავია, რომ ერთი ქარხანა გუშინ გვიან ღამით აფეთქდა. 

ცნობისთვის, ბოლო 10 წლის განმავლობაში ,,ჰარვი’’ ერთ-ერთი ყველაზე ძლიერი ქარიშხალია, რომელიც ამერიკას თავს დაატყდა.

შეგახსენებთ, რომ ტეხასის ქალაქ ჰიუსტონში სტიქიას უკვე 1 კვირის განმავლობაში ებრძვიან. 

ავტორი: ,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის