2017-08-07 12:58:46, 3016 ნახვა
მსოფლიო
ოკლაჰომას შტატს ტორნადომ გადაუარა - დაშავდა ათობით ადამიანი
აშშ-ში, ოკლაჰომას შტატს ტორნადომ გადაუარა, - ინფორმაციას Fox News ავრცელებს.
მედია საშუალების ცნობით, შედეგად ათობით ადამიანი დაშავდა, ასევე განადგურდა და დაზიანდა შენობები,
ამ ეტაპზე, დაღუპულების შესახებ ინფორმაცია არ ვრცელდება.
ქალაქ ტულსას სპიკერმა, კიმ მელოიმ განაცხადა, რომ სულ ცოტა 13 ადამიანი მძიმე დაზიანებებით იქნა საავადმყოფოში გადაყვანილი.
ასევე, შტორმის შედეგად 11000-ზე მეტი მომხმარებელი ელექტროენერგიის გარეშე დარჩა.
ამინდის ეროვნული სამსახურის წარმომადგენელმა განაცხადა, რომ ტორნადო გაზაფხულის თვეებთან ასოცირდება, ამიტომ სტიქია მოულოდნელი იყო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
