საქართველოს პრემიერ-მინისტრი ირაკლი ღარიბაშვილი ელექტროენერგიის ტარიფის მატებასთან დაკავშირებით გუშინ გავრცელებულ ინფორმაციას გამოეხმაურა.

როგორც ღარიბაშვილმა აღნიშნა, ამ ეტაპზე ელექტროენერგიის ფასის ზრდა არ იგეგმება.

ამასთან, პრემიერმა  ენერგეტიკის სამინისტროსა და მარეგულირებელ კომისიას მოუწოდა, შიდა საუბრები არ გაასაჯაროონ და მოსახლეობა ტყუილად არ დაძაბონ.

"რაც შეეხება გუშინ გავრცელებულო ინფორმაციას,  კახი კალაძე არ იმყოფება დამეთხოვა 1 კვირით, მაგრამ მინდა კიდევ ერთხელ ინფორმაცია მოგაწოდოთ, გუშინ მოვისმინეთ, რომ დენის ტარიფი იზრდება, ჩემი ინფორმაციაა, რომ ამ ეტაპზე არ იგეგმება ელექტროენერგიის ფასის მომატება. გთხოვთ ყველას, როგორც ენერგეტიკის სამინისტროს, მარეგულირებელ კომისიას, რომ თქვენი შიდა საუბრები  არ უნდა გახდეს  საჯარო, თქვენ შიგნით ისაუბრეთ, იმსჯელეთ ამათუ იმ კომპანიის მომართვებზე, მაგრამ ეს არ უნდა იყოს საჯარო, მოსახლეობას ნუ ძაბავთ,  როცა ამ ეტაპზე არავითარი ფასის მატება არ იგეგმება",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან