„ეს  კიდევ ერთი დასტური  გახლავთ იმის, რომ ამ ტერიტორიების სამხედრო ოკუპაცია მიმდინარეობს“,-ასე გამოეხმაურა  შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი  დე ფაქტო ხელისუფლების მიერ ცხინვალის საჯარისო ნაწილების რუსეთის არმიაში გაერთიანების შეთანხმების ე.წ. რატიფიკაციას.  

მინისტრის თქმით, აღნიშნული რატიფიკაცია არანაირ სამართლებრივ ლეგიტიმურ ინსტრუმენტს არ წარმოადგენს.

„ დღეს კიდევ ერთი მნიშვნელოვანი ფაქტი მოხდა. ოსური სამხედრო შენაერთების რუსული სამხედრო ჯარების დაქვემდებარებაში შესვლის შესახებ გადაწყვეტილების ე.წ. რატიფიკაცია მოხდა ცხინვალის რეგიონში. ამ შეთანხმების ხელმოწერა მიმდინარე წლის მარტში მოხდა. ეს კიდევ ერთი დასტური გახლავთ იმისა, რომ ამ ტერიტორიების სამხედრო ოკუპაცია მიმდინარეობს აბსოლუტურად ღია ფორმით. ეს რატიფიკაცია  თავისთავად არ წარმოადგენს არანაირ სამართლებრივ ლეგიტიმურ ინსტრუმენტს, უბრალოდ ფაქტობრივად ხდება შავით თეთრზე გაწერა ამ ტიპის არალეგიტიმური ხელშეკრულებებით იმისა, რომ რუსეთს აქვს ექსკლუზიური კონტროლი საქართველოს ტერიტორიებზე და ეს არის მათი სამხედრო ოკუპაცია და მორიგი მცდელობა ამ ტერიტორიების რუსიფიკაციის და ანექსიის”,-განაცხადა ქეთევან ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს