მამა გიორგი მამალაძის სახაზინო ადვოკატის, პაატა მეხრიშვილის განცხადებით, ბალისტიკური ექსპერტიზის დროს, დეკანოზის სახლიდან ამოღებული იარაღი სპეციალური ხსნარით და ტამპონების გამოყენებით დამუშავდა.

შესაბამისად, როგორც ადვოკატმა განმარტა, იარაღზე არსებული ყველა კვალი წაიშალა.

„დღეს დაიკითხნენ ექსპერტები იარაღის ნაწილში. ერთმა ჩაატარა ბალისტიკური ექსპერტიზა, რომელმაც თქვა, რომ იარაღი იყო საბრძოლო მდგომარეობაში. თუმცა, აქვე ჩატარდა ექსპერტიზა, რომელსაც უნდა მოეძებნა იარაღზე რაიმე ნომერი ხომ არ იყო დაფიქსირებული, რის გამოც, ექსპერტმა პრაქტიკულად მთლიანი იარაღი დაამუშავა სპეციალური ხსნარით და სპეციალური ტამპონების გამოყენებით. შესაბამისად, ამ იარაღზე არსებული ყველა კვალი წაიშალა. რაიმე დნმ-ის კვალი რომ ყოფილიყო იარაღზე, მას შემდეგ ფიზიკურად შეუძლებელი იქნებოდა ამ კვალის აღმოჩენა. დაცვის მხარეს რომც ჰქონოდა სურვილი, ჩაეტარებინა ექსპერტიზა, ვეღარ დადგინდებოდა ამ იარაღის შემხებლობა იმ აგენტ პროვოკატორთან. ვგულისხმობ ირაკლი მამალაძეს. ვერც სხვა იმ პირების შემხებლობა და კვალი აღმოჩნდებოდა, ვისაც შეიძლებოდა ამ იარაღთან რაიმე შემხებლობა ჰქონოდა. ისეთი სახის ექსპერტიზა ჩატარდა, რომელიც იმთავითვე გამორიცხავდა ამ იარაღზე დნმ-ის კვალის არსებობას. აღარაფერს ვამბობ თითის ანაბეჭდის კვალის არსებობის შესახებ“, - აღნიშნა პაატა მეხრიშვილმა.

ცნობისთვის, თბილისის საქალაქო სასამართლოში ე.წ. ციანიდის საქმეზე ბრალდების მხარის მოწმეების დაკითხვა გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით