2017-07-03 18:14:23, 2376 ნახვა
კომენტარი
მიხეილ გიორგაძის განცხადებით, პუტინის მრჩეველი, მიხეილ შვიდკოი მასთან შეხვედრას ითხოვდა
საქართველოს კულტურის მინისტრის მიხეილ გიორგაძის განცხადებით, პუტინის მრჩეველი, მიხეილ შვიდკოი მასთან შეხვედრას ითხოვდა.
თუმცა მინისტრის განმარტებით, გადატვირთული გრაფიკის გამო, ეს შეხვედრა ვერ შედგა.
"შეხვედრა ნამდვილად არ მქონია. მან შეხვედრა მთხოვა, გაცნობის მიზნით, თუმცა შეხვედრა არ დამიდასტურებია და არც შევხვედრილვარ. რამდენადაც ჩემთვის არის ცნობილი, შვიდკოი საქართველოში აღარ იმყოფება, წარმოდგენა არ მაქვს რაზე უნდოდა საუბარი, როგორც გადმომცეს, გაცნობის მიზნით, თუმცა ეს შეხვედრა არ შედგა. თუ სადმე მომიწია მასთან შეხვედრა არ მოვტრიალდები და არ გავიქცევი ნამდვილად, მით უმეტეს მას, როგორც კულტურის მოღვაწეს ისე უნდოდა ჩემი გაცნობა. თუ სადმე შემხვდება, აუცილებლად გავიცნობ როგორც კულტურის ერთ-ერთ მნიშვნელოვან წარმომადგენელს", - განაცხადა გიორგაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
