თუკი კონსტიტუციის ახალ პროექტში კომისიის რეკომენდაციებს გაითვალისწინებენ მისასალმებელი იქნება, - ვენეციის კომისიის პრეზიდენტმა, ჯანი ბუკიკიომ "რუსთავი 2"-ს განუცხადა.

“ყველაზე მნიშვნელოვანი ელემენტი ახალი საარჩევნო სისტემის გადადება იყო. ჩემი აზრით, ძალიან ბევრია 7 წლით მოცდა. ვენეციის კომისიის ყველა სხვა დანარჩენი რეკომენდაცია თუ შესრულდება, ბევრად კარგი იქნება, მაგრამ თუ არ შესრულდება, არც ეს იქნება ტრაგედია, რადგან ნაკლებად მნიშვნელოვანია იმაზე, რასაც ვეძებთ, მეტ პლურალიზმს პარლამენტში. 

კრიზისი სერიოზული სიტყვაა, მაგრამ პრობლემაა ისაა, რომ დიალოგი არ არსებობს. ყველა პოლიტიკურ ძალას შორის საჭიროა დიალოგი. კარგი კონსტიტუცია უნდა ეფუძნებოდეს ფართო კონსესუსს. ის არ უნდა იყოს მხოლოდ ერთი პარტიის მიერ მიღებული. კონსტიტუცია მისაღები უნდა იყოს საზოგადოებისთვის და რაც შეიძლება მეტი პარტიისთვის,“ - განაცხადა ჯანი ბუკიკიომ.

ჯანი ბუკიკიომ ასევე აღნიშნა, რომ მთავრობისგან კონსენსუსის მიღწევის დაპირება მიიღო და იმედოვნებს, რომ უმრავლესობა კომპრომისებზე წავა. სხვა შემთხვევაში კი პროცესის ლეგიტიმურობაში ეჭვი შეაქვს.

„პროცესის ლეგიტიმურობა ნიშნავს, დიალოგისა და კონსესუსის საფუძველზე ამ პროცესის გაზიარებას,“ - განაცხადა ჯანი ბუკიკიომ.

შეგახსენებთ, ვენეციის კომისიის პრეზიდენტის ვიზიტი საქართველოში ხვალ დასრულდება. დღეს კი ჯანი ბუკიკიო კონსტიტუციის ახალი პროექტის ირგვლივ მიმდინარე განხილვების შესახებ პრეზიდენტს, პარლამენტის თავმჯდომარეს, უმრავლესობისა და ოპოზიციის წარმომადგენლებს შეხვდა. ჯანი ბუკიკიომ არაერთხელ დააფიქსირა საკონსტიტუციო ცვლილებებთან დაკავშირებით იმედგაცრუება, თუმცა მოლოდინი აქვს, რომ ყველაფერი გამოსწორდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება