"ერთიანი ნაციონალური მოძრაობის" პოლიტსაბჭოს თავმჯდომარის ნიკა მელიას განცხადებით, ის საქართველოს პარლამენტს ტოვებს და კენჭს თბილისის საკრებულოს თავმჯდომარის პოსტზე იყრის. 

როგორც მელიამ აღნიშნა, პარტია გადამწყვეტ ბრძოლას იწყებს. 

"ამ უძველეს ადგილას ქართველმა ერმა თავის დროზე დიდი გამარჯვება მოიპოვა, სწორედ ამიტომ, სიმბოლურად დღეს აქ შევიკრიბეთ. ვაცხადებთ გადაყვეტილებას გადამწვეტ ბრძოლაში შესვლის თაობაზე. ჩვენ აქ მოვედით რათა ერთად დავიწყოთ მოძროაბა უიმედობისა და უპერსპექტივობის, სიღარიბესა და ოლიგარქიის, ნეპოტიზმისა და კორუფციის დასამარცხებლად. 5 წელია ხელისუფლება თესავს სიძულვილს, თუმცა ჩვენ გვინდა თბილისი დაპირისპირებისა და სიძულვილის გარეშე. გვინდა თბილისი იყოს ბედნიერი და წარმატებული ადამიანების. ეს არ იქნება რიგითი არჩევნები, ეს იქნება რეფერენდუმი საქართველოს მომავალზე. ამ რეფერენდუმმა უნდა გადაწყვიტოს თუ როგორი ქვეყანა და ქალაქი გვექნება ჩვენ. ამ ქალაქში , 2017 წლის ოქტომბერში ჩვენ უნდა მოვიგოთ პირველი ბრძოლა კორუმპირებულ და მავნებლურ ბრძოლა ივანიშვილის წინააღმდეგ დაიწყება ჩვენი დედაქალაქიდან. სწორედ ამიტომ მივიღე გადაწყვეტილება დავტოვო პარლამენტი და ამ ქალაქის, ამ ქვეყნის გადასარჩენად და "ქართული ოცნების" დასამარცხებლად ვიბრძოლო თბილისის საკრებულოდან. დღეს ვაცხადებ გადაწყვეტილებას, რომ კენჭი ვიყარო თბილისის საკრებულოს თავმჯდომარეობის პოსტზე და სწორედ აქედან შევუტიოთ ბიძინა ივანიშვილის რეჟიმს. ერთად დავამარცხებთ უკუსვლას", - აღნიშნა მელიამ.

ცნობისთვის, დღეს "ნაციონალურმა მოძრაობამ თბილისის მერობის კანდიდატიც წარადგინა. პარტიის სახელით მერობისთვის ზააალ უდუმაშვილი იბრძოლებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბ ჯაფარიძე: ერთადერთი, რაც თვითმხილველებს „ახსოვთ“, არის ის, რომ ჩვენ „ზეწოლისკენ“ მოვუწოდეთ

კონგრესმენმა უილსონმა ეუთოს საპარლამენტო ასამბლეის სხდომიდან ქართული დელეგაციის წასვლა სამარცხვინო უწოდა

უტა ბერიას ფილმის ,,ცრემლსადენი გაზი" მსოფლიო პრემიერა ლოკარნოს კინოფესტივალის სექციაში შედგება

გაატარეთ ზაფხულის ცხელი დღეები SOLO-სთან ერთად - Iveria Beach-ზე მუსიკალური ღონისძიებების სერია იწყება