აფგან მუხთარლის საქმესთან დაკავშირებით გამოძიება განცხადებას ძალიან მალე გააკეთებს, - ამის შესახებ საპარლამენტო უმრავლესობის წევრმა, ლევან გოგიჩაშვილმა შს მინისტრთან შეხვედრის შემდეგ ჟურნალისტებს განუცხადა.

როგორც დეპუტატმა აღნიშნა, შეხვედრაზე აზერბაიჯანელი ჟურნალისტის საქმის გარდა, ბევრი სხვა საკითხი განიხილეს.

"მუხთარლი ერთი მიმართულება არ არის, ქვეყანაში სხვადასხვა მიმართულებები არსებობს და ფართოდ შევეხეთ ყველაფერს. დღევანდელი შეხვედრა ემსახურებოდა ზოგადად, მინისტრთან შეხვედრას ძალიან ბევრ საკითხთან დაკავშირებით, მათ შორისაა მუხთარლის საკითხიც, საქმე, რაზეც ახალგაზრდები გამოვიდნენ ქუჩაში, ბათუმის საკითხი და სხვა",- განაცხადა გოგიჩაშვილმა.

მან ასევე პარლამენტში მუხთარლის საქმეზე საგამოძიებო კომისიის შექმნასთან დაკავშირებით ისაუბრა.

გოგიჩაიშვილის თქმით, საგამოძიებო კომისია იქმნება მაშინ, როდესაც გამოძიების მიმართ უკმარისობის განცდა ჩნდება.

„საგამოძიებო კომისიის შექმნას რაც შეეხება, ეს იქმნება მაშინ, როდესაც უკმარისობის განცდა უჩნდება პარლამენტის წევრს, საზოგადოებას, გამოძიების საქმიანობასთან დაკავშირებით. რადგან გამოძიება არ არის ბოლომდე დამთავრებული, შესაბამისად ამ საკითხის დღის წესრიგში დაყენება არ არის რელევანტური და ადეკვატური. თუ ჩვენ დავინახავთ, რომ ვერ მივიღებთ პასუხს შსს-დან და პროკურატურიდან, თუკი გვექნება უკმარისობის განცდა გამოძიებასთან, ბუნებრივია, ეს საკითხი დადგება დღის წესრიგში“, - განაცხადა ლევან გოგიჩაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს