„ველოდებით, რომ კომისიის საბოლოო შეფასება იქნება უკიდურესად პოზიტიური“, - ამის შესახებ პარლამენტის თავმჯდომარის პირველმა მოადგილემ თამარ ჩუგოშვილმა განაცხადა.

როგორც ჩუგოშვილმა აღნიშნა, საკონსტიტუციო ცვლილებების პროექტის საბოლოო ვერსიაში ვენეციის კომისიის ყველა შენიშვნა აისახება.

„ჩვენ უკვე ვიცით ვენეციის კომისიის პირველადი მოსაზრებები, შესაბამისად, ის პოზიტივებიც და შენიშვნებიც, რომელიც საკონსტიტუციო ცვლილებების პროექტთან დაკავშირებით აქვს.  როგორც არაერთხელ გვაქვს გაცხადებული, ყველა მნიშვნელოვან შენიშვნას და, ზოგადად, ყველა შენიშვნას, რაც გამოითქვა, საკონსტიტუციო ცვლილებების პროექტის საბოლოო ვერსიაში ავსახავთ. სესიაზე ვენეციის კომისიას მივაწვდით დეტალურ ინფორმაციას ყველა გამოთქმულ შენიშვნასთან დაკავშირებით, გავაცნობთ ჩვენს მოსაზრებას, როგორ აისახება ეს შენიშვნები საბოლოო პროექტში. შესაბამისად, ველოდებით, რომ კომისიის საბოლოო შეფასება იქნება უკიდურესად პოზიტიური“, - განაცხადა პარლამენტის თავმჯდომარის პირველმა მოადგილემ.

თამარ ჩუგოშვილის თქმით, მმართველი გუნდი სრულად ითვალისწინებს ვენეციის კომისიის რეკომენდაციას გადაუნაწილებელ მანდატებთან დაკავშირებით.

„ვენეციის კომისიამ აღნიშნული რეკომენდაციის სამი შესაძლო ვერსია შემოგვთავაზა. ერთ-ერთი ვერსია გულისხმობდა გაუნაწილებელი მანდატებისთვის ანუ ე.წ. ბონუსისთვის ზედა ზღვარის და, ზოგადად, ზღვარის დაწესებას. ჩვენ იმაზე შორს მივდივართ, ვიდრე რეკომენდაცია ითვალისწინებდა: ვაწესებთ როგორც ზედა ზღვარს, ასევე შედარებით ზღვარს და ქვედა ზღვარს. შესაბამისად, მინიმუმამდე ვამცირებთ ბონუსის მოცულობას, ანუ იმ ადგილების რაოდენობას, რომელსაც მიიღებს პირველ ადგილზე გასული პარტია“, - აღნიშნა პარლამენტის თავმჯდომარის პირველმა მოადგილემ.

ცნობისთვის, საქართველოს პარლამენტის თავმჯდომარე ირაკლი კობახიძე და თავმჯდომარის პირველი მოადგილე თამარ ჩუგოშვილი ვენეციაში იმყოფებიან, სადაც ვენეციის კომისიის 111-ე სესიას დაესწრებიან. 16 ივნისს ვენეციის კომისიის პლენარული სხდომა გაიმართება, სადაც საქართველოს კონსტიტუციური კანონის პროექტის შესახებ ვენეციის კომისიის მიერ მომზადებულ დასკვნაზე იმსჯელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი აცხადებს, რომ აშშ-ის საჰაერო თავდასხმების შედეგად 14 ადამიანი დაიღუპა

აი ჯი დეველოფმენტ ჯორჯიამ, გალტ & თაგარტის ექსკლუზიური მხარდაჭერით, 39.5 მილიონი აშშ დოლარის მწვანე ობლიგაციები განათავსა

კორეული პრემიუმ ბრენდი Manyo უკვე PSP-შია

სახელმწიფოს ლამარიას მონასტრის ტერიტორიაზე კელიების სამშენებლო სამუშაოებზე სააგენტოს ნებართვა არ გაუცია, ეპარქია თავს იმართლებს