საქართველოს თავდაცვის მინისტრი ლევან იზორია ოფიციალური ვიზიტით გერმანიის ფედერაციულ რესპუბლიკაში გაემგზავრა.

თავდაცვის მინისტრი დელეგაციის წევრებთან ერთად ოფიციალურ ვიზიტს საბრძოლო მომზადების ცენტრში სტუმრობით დაიწყებს, სადაც საქართველოს შეიარაღებული ძალების სახმელეთო ჯარების დასავლეთ სარდლობის III ქვეითი ბრიგადის ასეული  ავღანეთში „მტკიცე მხარდაჭერის“ მისიისთვის გადასროლისწინა წვრთნას იანვრიდან გადის. თავდაცვის მინისტრი ქართველ სამხედროებს გაესაუბრება და ასეულის საჩვენებელ სწავლებას დაესწრება.

ვიზიტის მეორე დღეს ლევან იზორია გერმანელ კოლეგას ურსულა ფონ დერ ლაინს შეხვდება. გერმანიის ფედერაციული რესპუბლიკის თავდაცვის სამინისტროში ქართული დელეგაციის ოფიციალური დახვედრის ცერემონიალი გაიმართება, რის შემდეგაც საქართველოს თავდაცვის უწყების ხელმძღვანელი დაღუპულ ჯარისკაცთა ღირსების მემორიალს გვრიგვინით შემაკობს.

ოფიციალური ვიზიტის ფარგლებში დაგეგმილია საქართველოს თავდაცვის მინისტრის შეხვედრები ბერლინის უსაფრთხოების აკადემიის პრეზიდენტთან, დოქტორ კარლ-ჰეინც კამპთან და უსაფრთხოებისა და საგარეო საქმეთა საკითხებში ბუნდესკანცლერის მრჩეველთან კრისტოფერ ჰოიზგენთან.  

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ტვერისა და სტავროპოლში ნავთობის საწყობები დაბომბეს

მთავრობამ რუსეთიდან დიზელის საწვავის ექსპორტი აკრძალა, ბენზინისა და თვითმფრინავის საწვავის შემდეგ

ნატოს ქვეყნები ორი წლის განმავლობაში უკრაინას 140 მილიარდი ევროს ოდენობის დახმარება გამოუყოფენ

ყოფილმა მთავარსარდალმა ზალუჟნიმ მოსაზრებას, რომ რუსეთმა ომი წააგო, „სახიფათო და არასწორი“ უწოდა