თიბისი დაზღვევა ავტოდაზღვევის მფლობელებს სეტყვისგან მიყენებულ ზარალს სრულად აუნაზღაურებს

2017-06-12 16:34:53, 2460 ნახვა

ეკონომიკა

თიბისი დაზღვევაში დაზღვეული ავტომობილების მფლობელებს 10 ივნისს, თბილისში მომხდარი ძლიერი სეტყვის გამო მიყენებული ზარალი სრულად აუნაზღაურდებათ.

სტიქიის შედეგად დაზიანებული ავტომობილების შესახებ განაცხადი თიბისი ავტოდაზღვევის 250-მა მფლობელმა უკვე დაფიქსირა. თიბისი დაზღვევა მათ ჯამურად დაახლოებით 250 000 ლარის ოდენობის ზარალს ანაზღაურებს.

მათ ვინც, თიბისი დაზღვევის ავტოდაზღვევის პოლისით სარგებლობს და სეტყვის შედეგად დაზიანებული მანქანის შესახებ თიბისი დაზღვევისთვის ჯერ არ მიუმართავს, შესაძლებლობა აქვს კომპანიის ცხელ ხაზზე (2 42 22 22) დარეკოს და განაცხადი დააფიქსიროს. ზარალის დარეგულირება განაცხადის დაფიქსირებიდან მაქსიმუმ 5 სამუშაო დღეში მოხდება. მომხმარებლის სურვილისამებრ, შესაძლებელია როგორც ფულადი თანხის ანაზღაურება, ისე პარტნიორ ავტო-სერვისცენტრებში დაზიანებული ავტომობილების შეკეთება.

თიბისი დაზღვევა, რომელიც ბაზარზე 2017 წლის იანვრიდან ოპერირებს, სხვადასხვა პროდუქტთან ერთად მომხმარებლებს ავტოდაზღვევის სერვისსაც სთავაზობს. ავტოდაზღვევის პოლისი სტიქიური მოვლენების, მათ შორის სეტყვის შედეგად ავტომობილებისთვის მიყენებულ ზარალს სრულად ანაზღაურებს.

თიბისი დაზღვევის პროდუქტების შეძენა შესაძლებელია თიბისი ბანკისა და თიბისი დაზღვევის ფილიალებში.

(R)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან