ლონდონში (დიდი ბრიტანეთი) საერთაშორისო მობილური სატელიტური ორგანიზაციის რიგით 39-ე საკონსულტაციო საბჭოს სხდომა გაიმართა, რომელშიც 103 წევრი სახელმწიფო და სხვადასხვა საერთაშორისო ორგანიზაციების წარმომადგენლები იღებდნენ მონაწილეობას.

აღნიშნული სხდომის თავმჯდომარედ ერთხმად არჩეული იქნა ვანუატუს წარმომადგენელი ლაურენტ პარენტე და ვიცე-თამჯდომარედ საქართველოს წარმომადგენელი კაპიტანი მამუკა ახალაძე.

საქართველოს წარმომადგენლის კანდიდატურა წამოყენებული იქნა კვიპროსის დელეგაციის მიერ და მხარდაჭერილი მექსიკის, მალაიზიის, საფრანგეთის, ბანგლადეშის, ანტიგუას და ბარბადოსის, ირანის და ნიგერიის დელეგაციების მიერ.

„საქართველოს წარმომადგენლის არჩევა ასეთი მნიშვნელოვანი საერთაშორისო ორგანიზაციის საკონსულტაციო საბჭოს ვიცე-თავმჯდომარედ მნიშვნელოვანი მოვლენაა საქართველოს საზღვაო სფეროსთვის და ზოგადად ქვეყნის იმიჯისთვის. ეს მოვლენა ხელს შეუწყობს საქართველოს ცნობადობის ამაღლებას საერთაშორისო საზღვაო ასპარეზზე“, - აცხადებენ სსიპ „საზღვაო ტრანსპორტის სააგენტოში“.

ცნობისთვის, IMSO არის საერთაშორისო საზღვაო ორგანიზაციის (IMO) მიერ დაარსებული ორგანიზაცია, რომელშიც დღეისათვის გაწევრიანებულია 103 ქვეყანა, მათ შორის 2015 წლის 12 იანვრიდან საქართველო და არეგულირებს გლობალური საზღვაო უბედურების და უსაფრთხოების სისტემას (GMDSS) და ასევე გემების გლობალურ იდენტიფიცირებას და კონტროლს (LRIT).

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა

აშშ აცხადებს, რომ ირანმა ჰორმუზის სრუტეში გემებზე თავდასხმა განაახლა