თავდაცვის ყოფილ მინისტრ ბაჩო ახალაიას, გენშტაბის ყოფილ უფროსს გიგი კალანდაძესა და პოლიციის ყოფილ მაღალჩინოსანს მეგის ქარდავას შესაძლოა, ბრალი დაუმძიმდეთ.

საუბარია შპს „ფლაი აჭარასთვის“ საფრენი აპარატების, ვერტმფრენებისა და თვითმფრინავების ჩამორთმევის საქმეზე.

როგორც კომპანია „ფლაი აჭარას“ წარმომადგენელმა ნოდარ კაკაბაძემ განაცხადა, მისთვის სამხედრო ტექნიკის ჩამორთმევაში უშუალოდ ბაჩო ახალაია მონაწილეობდა. 

ასევე კაკაბაძემ გაიხსენა დაკავების პერიოდი და აღნიშნა, რომ 2009 წელს მისი კომპანიის ქონებით დაინტერესების შედეგად, კომპანიის 2 უკრაინელ მფრინავთან ერთად უკანონოდ დააკავეს. 

რამდენიმეთვიანი პატიმრობის შემდეგ კი, „ფლაი აჭარის“ წარმომადგენლობამ აღნიშნულის შესახებ აცნობა უკრაინის მაშინდელ პრეზიდენტს, რომელიც საქართველოში ჩამოვიდა და პრეზიდენტ მიხეილ სააკაშვილთან შედხვედრა გამართა. 

ამის შემდეგ დაკავებულები გაათავისუფლეს. 

„მას შემდეგ რაც გამათავისუფლეს, მოვიდნენ კომპანიაში და წაიღეს რამდენიმე ასეული ათასის ქონება, რომელიც განთავსდა „დელტას“ საწყობში. მოვითხოვ, რომ დაისაჯოს ბაჩო ახალაია და ყველა, ვინც ამ პროცესში მონაწილეობდა“, განაცხადა ნოდარ კაკაბაძემ. 

კომპანია „ფლაი აჭარის“ წარმომადგენლები პროკურატურაში მათ ინტერესების დამცველ იურისტებთან ერთად იმყოფებოდნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება