2017-04-23 13:03:24, 2538 ნახვა
სამართალი
ქუთაისის შემოვლით გზაზე ავტოსაგზაო შემთხვევას ექვსი ადამიანი ემსხვერპლა
ქუთაისის შემოვლით გზაზე მომხდარი ავტოსაგზაო შემთხვევის შედეგად, ექვსი ადამიანი გარდაიცვალა. მათ შორის ერთი შვიდი თვის ორსულია.
„საზოგადოებრივი მაუწყებლის“ ინფორმაციით, ორი მსუბუქი ავტომანქანის შეჯახების შემდეგ, ავტომობილებს ტრაილერმა გადაუარა.
გამოძიება სისხლის სამართლის კოდექსის 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
