ირანის საგარეო საქმეთა მინისტრის მუჰამედ ჯავად ზარიფას განცხადებით, სპარსეთის ყურესა და შავ ზღვარს შორის კორიდორის აშენება სამყაროს კიდევ უფრო მეტად დაახლოებს,.

როგორც ირანელმა მინისტრმა აღნიშნა, კორიდორის აშენების შემდეგ გადაზიდვის საფასური ბევრად უფრო ნაკლები გახდება. მისივე შეფასებით, საქართველოს, ირანის, აზერბაიჯანის და სომხეთის თანამშრომლობა აუცილებელია. 

გარდა ამისა, დღეს საგარეო საქმეთა მინისტრმა მიხეილ ჯანელიძესთან შეხვედრის დეტალებზე ისაუბრა.

მისი თქმით, დღევანდელ შეხვედრაზე თანამშრომლობის სხვადასხვა შესაძლებლობები განიხილეს, რომელიც ორი ქვეყანას შორის თანამშრომლობას კიდევ უფრო მეტად გაზრდის. 

მინისტრის თქმით, საუბარი შეეხო ტრანზიტის სფეროს, მეცნიერებას ტექნოლოგიას, მრეწველობას, რეგიონულ საკითხებს.

„ჩვენ გვაქვს ძალიან ძლიერი ისტორიული კავშირები, რომელიც რამდენიმე საუკუნის უკან იღებს სათავეს, იზრდება საქართველოში ჩამოსული ირანელი სტუდენტების რაოდენობა თითქმის ხუთჯერს, ეს ადამიანების შორის  კონტაქტების გაუმჯობესებას კიდევ უფრო მეტად უწყობს ხელს“, - განაცხადა ირანის საგარეო საქმეთა მინისტრმა.

გარდა ამისა, მან ისაუბრა საქართველოს პრემიერ-მინისტრის გიორგი კვირიკაშვილის მოახლოებულ ვიზიტზე ირანში.

მისი ინფორმაციით, კვირის ბოლოს იგეგმება პრემიერ-მინისტრის ვიზიტი ირანში.

 „ეს არის ისტორიული მოვლენა, რომელსაც მოუთმენლად ველოდებით“, - აღნიშნა მინისტრმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია