საქართველოს პარლამენტის ყოფილი თავმჯომარე დავით უსუფაშვილი სახალხო არტისტის გივი ბერიკაშვილის გარდაცვალებასთან დაკავშირებით, მსახიობის ოჯახს და სრულიად საქართველოს უსამძიმრებს.

როგორც უსუფაშვილმა მსახიობის სამოქალაქო პანაშვიდზე დასწრების შემდეგ ჟურნალისტებს განუცხადა, გივი ბერიკაშვილი იყო მსახიობი, რომელსაც საქართველოს მოსახლეობა ოჯახის წევრად თვლიდა.

“ვუსამძიმრებ ქართველ ხალხს, თითოეულ ოჯახს. ბატონი გივი ბერიკაშვილი იყო მსახიობი, პიროვნება და მოქალაქე, რომელსაც ყველანი ვთვლიდით ჩვენი ოჯახის წევრად. მან იმდენი სიხარული, იმდენი ოპტიმიზმი შემოიტანა ჩვენს ცხოვრებაში, რომ  ჩვენ კიდევ ერთი იმდენი რაც ბატონმა გივიმ თვითონ იცოცხლა არ გვეყოფა იმისთვის, რომ ვიყოთ ქვეყნის მოსიყვარულე, ამასობაში მხიარული და ხალისიანი, როგორიც იყო ბატონი გივი ბერიკაშვილი. ვამაყობ, რომ მას ვიცნობდი. გივი იყო დიდი კახელი ყველაფერთან ერთად”, –განაცხადა დავით უსუფაშვილმა.

ცნობისთვის, მარჯანიშვილის თეატრში მსახიობის და სახალხო არტისტის გივი ბერიკაშვილის სამოქალაქო პანაშვიდი მიმდინარეობს. გარდაცვლილის ოჯახს კოლეგები, მეგობრები, პოლიტიკოსები და რიგითი მოქალაქეები უსამძიმრებენ.

გივი ბერიკაშვილს 15:00 საათზე, საბურთალოზე, ამაღლების ეკლესიის ეზოში დაკრძალავენ.

შეგახსენებთ, მსახიობი გივი ბერიკაშვილი 83 წლის ასაკში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია