ეკონომიკისა და მდგრადი განვითარების მინისტრმა გიორგი გახარიამ მთავრობის სხდომაზე ინდოეთში ვიზიტი შეაჯამა და რამდენიმე მნიშვნელოვან თემაზე გაამახვილა ყურადღება.

კერძოდ, გახარიას თქმით,  ვიზიტის ფარგლებში განიხილეს საქართველოში ინდოეთის საელჩოს გახსნის საკითხი, პირდაპირი  ფრენებისა და სატრანსპორტო კორიდორის თემა:

„მოგეხსენებათ, ეს არის ქვეყანა მილიარდ   250 მილიონი მოსახლეობით, უზარმაზარი ბაზარია. მათი  2016 წლის  ეკონომიკის ზრდა გახლავთ 7.5%. ძალიან დინამიურად განვითარებადი ქვეყნაა. იყო რამოდენიმე ძალზე მნიშვნელოვანი თემა.  ეს გახლავთ საქართველოში საელჩოს გახსნის თაობაზე.როგორც მოგეხსენებათ, დღეს საქართველოში ინდოეთის საელჩო არ არსებობს. კიდევ  ერთი თემა გახლდათ პირდაპირი ფრენების შესახებ და ყველაზე მნიშვნელოვანი მეოთხე თემა ეს გახლავთ სატრანსპორტო კორიდორი. კორიდორის ძირითადი ხაზი მიდის ჩრდილოეთის პორტებზე,  სანკტ პეტერბურგის პორტებზე და ბალტიისპირეთის. ჩვენ რუკაზე დავიტანეთ ასევე შავი ზღვის ქართული პორტები და გადავწყვიტეთ,  რომ ამ თემაზე უახლოეს პერიოდში ვიზიტი დაიგეგმოს ჩვენი რკინიგზის, რომ ტექნიკურ დონეზე დაიწყონ ამ თემის შესწავლა“,-აღნიშნა გახარიამ.
პრემეირის შეფასებით, ინდოეთთან ძალიან ბევრი შეხების წერტილის გამოძებნა შეიძლება, რაც ქვეყნისთვის  მნიშვნელოვანა.

„ ეს ძალიან მნიშვნელოვან დამატებით დინამიკას მოიტანს  საქართველოს ეკონომიკაში. ამიტომ,  ძალიან სწრაფად გვმართებს  ამ მიმართულებით ნაბიჯების გადადგმა“,-განმარტა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პუტინთან და შემდეგ ზელენსკისთან „გუშინ“ ახალი საუბრის შესახებ განაცხადა

მსახიობი სერგეი ბეზრუკოვი ოკუპირებულ აფხაზეთში იმყოფება

გახარია: სანამ ოცნება იტყუება, ჩვენ ვიცავთ საქართველოს ინტერესებს ეუთოს საპარლამენტო ასამბლეაში

„ფაშისტურ-ნაცისტურ“ დაჯგუფებაში მყოფს მოზარდს წამებისთვის თითქმის 10 წლით თავისუფლების აღკვეთა მიესაჯა.