პარლამენტის თავმჯდომარის მოადგილის თამარ ჩუგოშვილის განცხადებით, მისთვის გაუგებარია, ვისაც ქვეყნის ინტერესები ადარდებს, რატომ არ სურს საკონსტიტუციო კომისიის მუშაობაში მონაწილეობის მიღება.

როგორც ჩუგოშვილმა პრეზიდენტის დღევანდელი განცხადების კომენტირებისას აღნიშნა,  მმართველი ძალისთვის მოქმედი კონსტიტუცია ხელსაყრელია, მაგრამ ქვეყნის დემოკრატიული განვითარების მიზნებიდან გამომდინარე, შეიმუშავეს დოკუმენტი, რომელიც  მათზე მორგებული არაა.

"ეს კონსტიტუცია მიიღო 2010 წელს სააკაშვილმა, მიიღო ისეთი, რომ ყოფილიყო მმართველი პარტიის ინტერესებში და მხოლოდ და მხოლოდ მმართველი ძალისთვის ყოფილიყო სასარგებლო. დღეს ჩვენ გვაქვს მოქმედი კონსტიტუცია, რომელიც აწყობს  მხოლოდ მმართველ ძალას. სწორედ იმიტომ, რომ ჩვენთვის, ქვეყნის დემოკრატიული განვითარება არის მნიშვნელოვანი, ის, რომ სხვა პოლიტიკური პარტიები ქვეყანაში არსებობდნენ  და იყოს პოლიტიკური კონკურენცია, ჩვენ წავედით ძალიან მნიშვნელოვან პროცესზე, მათ შორის საარჩევნო სისტემის ფუნდამენტურ  ცვლილებაზე. ცოტა  ირაციონალურია ამ პროცესიდან  გარკვეული იმ სუბიექტების გამოთიშვა, რომლებიც  ამას ძალიან ნათლად უნდა აცნობიერებდნენ. მე მგონია, პრეზიდენტი პროცესების  გარკვეული პოლარიზაციისკენ არის წასული, რაც ძალიან სამწუხაროა. თავიდანვე  იქნებოდა ძალიან კარგი და სასარგებლო, რომ საკონსტიტუციო კომისიის ფორმატში მიეღო მონაწილეობა, ყველა ერთად დავმსხდარიყავით და  განგვეხილა და ერთად მიგვეღო ძალიან კარგი დოკუმენტი. ის დოკუმენტი, რომელიც კომისიამ შეიმუშავა,  არის ძალიან კარგი დოკუმენტი. ეს დადასტურდება ობიექტური დამკვირვებლების მიერ. ამაში ეჭვი არ მეპარება.  კერძოდ, ვენეციის კომისიის ექსპერტების მიერ იმიტომ, რომ ჯერჯერობით ჩვენ გვესმის იმ პირების კომენტარები, რომლებსაც თავიანთი კონკრეტული სუბიექტური, ან  პოლიტიკური ინტერესები აქვთ. აქ ვგულისხმობ პოლიტიკურ პარტიებს და პრეზიდენტს.  არასამთავრობო ორგანიზაციებს გავმიჯნავ ამ პროცესისგან. ამიტომ, საზოგადოება ნათლად დარწმუნდება, რომ დოკუმენტი, რომელიც ჩვენ შევიმუშავეთ, არის არათუ  გაუმჯობესებული ვერსია მოქმედი კონსტიტუციის, არამედ  ძალიან კარგი დოკუმენტი და ემსახურება ერთადერთ მიზანს, რომ ძალაუფლების მონოპოლიზაცია  ერთი პარტიის, მმართველი პარტიის ხელში არ ხდებოდეს. რატომ უნდა უნდოდეს ვიღაცას ამას გაემიჯნოს, ვისაც ქვეყნის ინტერესები ადარდებს, უბრალოდ ჩემთვის არ არის ახსნადი“,-განაცხადა თამარ ჩუგოშვილმა.

კითხვაზე-პრეზიდენტი ფიქრობს, რომ  დახურულ კარს მიღმა მიღებული გადაწყვეტილებებია, ჩუგოშვილმა ასე უპასუხა:

„დახურულ კარს მიღმა თვითონ არის იმიტომ, რომ ყველა იმ  ოთახშია, გარდა პრეზიდენტისა და პრეზიდენტის ადმინისტრაციისა“,-აღნიშნა ჩუგოშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია