2017-04-08 13:57:12, 3025 ნახვა
მსოფლიო
პეტერბურგის მეტროპოლიტენში მომხდარ აფეთქებაში ეჭვმიტანილი 8 პირი დააკავეს
პეტერბურგის მეტროპოლიტენში მომხდარ აფეთქებაში ეჭვმიტანილი 8 პირი დააკავეს, - ამის შესახებ BBC იუწყება.
მედია საშუალების ინფორმაციით, რუსმა სამათალდამცველებმა ეჭვმიტანილები მოსკოვსა და სანქტ-პეტერბურგში დააკავეს.
სამართალდამცველების თქმით, დაკავებულ 2 ეჭვმიტანილს იმ თვითმკვლელ ტერორისტთან დაუდგინდა კავშირი, რომელმაც მეტროში ბომბი აამოქმედა.
შეგახსენებთ, რომ 3 აპრილს პეტერბურგის მეტროში აფეთქებას 14 ადამიანის სიცოცხლე ემსხვერპლა, 50 მგზავრი კი დაშავდა. რუსეთის ხელისუფლებამ მომხდარს ტერაქტის კვალიფიკაცია მიანიჭა. პასუხისმგებლობა მომხდარზე ჯერ არცერთ ტერორისტულ დაჯგუფებას არ აუღია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
