საქართველოს ოკუპირებული ტერიტორიებიდან იძულებით გადაადგილებულ პირთა, ლტლოვილთა და განსახლების მინისტრის სოზარ სუბარის ინფორმაციით, წელს სამინისტროს ბიუჯეტიდან აფხაზეთის ომში დაკარგულთა ოჯახების გენეტიკური პროფილების ასაღებად 650 000 ლარი გამოიყოფა. 

ამის შესახებ მინისტრმა მთავრობის სხდომის დასრულების შემდეგ განაცხადა.

"წელს, სამინისტროს ბიუჯეტიდან 650 000 ლარი გამოიყოფა იმისთვის, რომ მოხდეს დაახლოებით 1 000 ადამიანიდან აფხაზეთის ომის დროს დაკარგულების ოჯახებიდან შესაბამისი გენეტიკური პროფილების აღება, რომელიც შეიძლება გამოგადგეს გარდაცვალებულთა იდენტიფიცირებისთვის. ეს ძალიან წარმატებული პროგრამაა. მასში ჩართულია ორი მხარე როგორც აფხაზური, ასევე ქართული. შუამავალი არის საერთაშორისო წითელი ჯვარი. ზუსტი ციფრების თქმის უფლება არ გვაქვს, მაგრამ ამ მიმართულებით წელს ბევრად მეტი საქმე გაკეთდება",- აღნიშნა სუბარმა. 

ცნობისთვის, ბაბუშერას სამარხის გახსნის შედეგად იდენტიფიცირებული იყო 43 მებრძოლის ნეშტი, მიმდინარე წლის სექტემბერში კიდევ 17 მებრძოლის ნეშტის იდენტიფიცირება მოხდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ხამენეის დაკრძალვაზე: ჩვენ შეგვიძლია ყველა ერთი დარტყმით გავანადგუროთ

ელენე ხოშტარიას მიმართვა ALDE-ს - რუსეთი ცდილობს დაამარცხოს ევროპა საქართველოში

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება