საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი „ცენტრ პოინტის“ საქმეზე პოლიტიკურ ანგარიშსწორებას გამორიცხავს.  ამის შესახებ სოზარ  სუბარმა ჟურნალისტებს მთავრობის სხდომის დასრულების შემდეგ, სასამართლოს გადაწყვეტილების კომენტირებისას  განუცხადა.

 „პოლიტიკურ ანგარიშსწორებაზე აქ ლაპარაკი ზედმეტია. ნამდვილად ამაში შემიძლია დაგარწმუნოთ. მე პირადად წარმოვადგენ იმ უწყებას, რომელთანაც შემოტანილი ჰქონდათ 5 პროექტი. გულწრფელად ვცდილობდი, რომ რაღაცნაირად რომელიმე მათ პროექტს მაინც გაემარჯვათ და დევნილებისთვის სახლები აეშენებინათ, მაგრამ არც ერთ შემთხვევაში არ გამოვიდა, რადგან ერთ კონკრეტულ შემთხვევაშიც კი იმდენად აბსურდულ დოკუმენტაციამდე მივედით, რომლის გასწორებას შეიძლებოდა ათეულობით წლებიც კი დასჭირებოდა“, - განაცხადა სუბარმა.

მისივე თქმით, არ სურს, ვინმე იჯდეს ციხეში, მითუმეტეს, როდესაც ლაპარაკია ქალებზე, დედაზე, მაგრამ იმ ადამიანების აზრიც გასათვალისწინებელია, რომლებიც სასამართლოს მიერ დაზარალებულად არიან მიჩნეულები.

ცნობისთვის, თბილისის საქალაქო სასამართლომ მაია რჩეულიშვილსა და რუსუდან კერვალიშვილს "ცენტრ-პოინტის" საქმის ერთ-ერთ ეპიზოდზე 4-4 წლით თავისუფლების აღკვეთა მიუსაჯა.

გამოძიების ინფორმაციით,  სახელმწიფო ბრალდების მტკიცებით, „ამხანაგობა 88“-ის მენაშენეთა მიერ გადახდილი თანხებიდან, რაც  განკუთვნლი იყო ამხანაგობის ბინათმშენებლობისათვის (რომელიც უნდა დასრულებულიყო  2007 წელს), მაია რჩეულიშვილმა და რუსუდან კერვალიშვილმა უკანონოდ, სხვადახვა გზებით მიისაკუთრეს 11 მილიონზე მეტი ლარი, რის გამოც შეუძლებელი გახდა ამხანაგობის წევრთათვის განკუთვნილი სახლის მშენებლობა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა