ლიტვის პრეზიდენტი საქართველოს მოქალაქეებს უვიზო რეჟიმს ქართულად ულოცავს - „ვამაყობთ თქვენი წარმატებით“

2017-03-27 18:19:03, 1671 ნახვა

საზოგადოება

ვამაყობთ თქვენი წარმატებით, - ამ სიტყვებით ლიტვის პრეზიდენტმა დალია გრიბაუსკაიტემ საქართველოს მოქალაქეებს ვიზალიბერალიზაცია მიულოცა.

როგორც ვიდეომიმართვაში პრეზიდენტმა აღნიშნა, საქართველოს ბრძლა თავისუფლებისა და დემოკრატიისთვის მაგალითია მთელი რეგიონისთვის.

"ძვირფასო მეგობრებო, დღეს განსაკუთრებული დღეა ქართველებისთვის. საქართველოს მოქალაქეები ევროკავშირში მოგზაურობას უვიზოდ იწყებენ. დღეიდან ჩვენი ერები კიდევ უფრო დაახლოვდებიან ქართველი ხალხის ძალისხმევის შედეგად. თქვენი თავდადება თავისუფლებისა და დემოკრატიისთვის მაგალითია მთელი რეგიონისთვის. ლიტვა თქვენი მეგობარია და ყოველთვის მხარს დაუჭერს საქართველოს. ჩვენ ვამაყობთ თქვენი წარმატებით", - აღნიშნა ლიტვის პრეზიდენტმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან