რუსეთის საგარეო საქმეთა სამინისტროს განცხადებით, თბილისი პროვოკაციული განცხადებებით და ქმედებების „ფოიერვერკით“ გამოირჩევა, - ამის შესახებ უწყების მიერ გავრცელებულ განცხადებაშია ნათქვამი. 

"ბოლო დღეები თბილისის პროვოკაციული განცხადებებით და ქმედებების „ფოიერვერკით“ გამოირჩევა. გაერო-ს ადამიანის უფლებათა საბჭოს 34-ე სესიაზე საქართველომ აშკარად პოლიტიზირებული რეზოლუციის პროექტი შეიტანა, რომელიც აფხაზეთის, "სამხრეთ ოსეთისა“ და რუსეთის წინააღმდეგაა მიმართული. ადგილი ჰქონდა „სამხრეთ ოსეთის“ სახელმწიფო საზღვართან უცხოელი დელეგაციების ახალ „პილიგრიმობას“, რომელსაც საქართველოში ამ დრომდე ადმინისტრაციულ გამშვებ პუნქტთად იხსენიებენ. საქართველოს ხელისუფლების ოფიციალური პირები ახალ-ახალ პროტესტს გამოთქვამენ.

პროპაგანდისტული ხმაურის საბაბად ყველაფერი გამოიყენება: აფხაზეთის ლეგიტიმური გადაწყვეტილება თავის საზღვარზე გამშვები პუნქტების ოპტიმიზირების შესახებ, ორმხირივი შეთანხმება რომელიც „სამხრეთ ოსეთის" მოქალაქეებს საშუალებას აძლევს ინდივიდუალური კონტრაქტის საფუძველზე რუსეთის ჯარში იმსახურონ და ცრუ ინფორმაცია იმის შესახებ, რომ აფხაზეთში С-300-ის დამატებითი დივიზია განლაგდა და ბოლოს, ფანტასტიური ისტორია იმის შესახებ, რომ რუსეთის სამხედრო კოლონა სომხეთში საქართველოს გავლით გადავიდა.  

არანაირი ეჭვი არ არსებობს, რომ ეს პოლიტიკური სპექტაკლი სპეციალურად დადგმულია 28-29 მარტისთვის დაგეგმილი ჟენევის დისკუსიის მორიგი რაუნდისთვის. სავარაუდოდ, თბილისი აპირებს ჟენევის ფორმატში დიალოგის საბოტაჟი განაგრძოს. სწორედ ამიტომ, წინასწარ კონფრონტაციულ-ისტერიული გარემო იქმნება. 

ამასთან, დაკავშირებით, გვინდა ხაზი გავუსვათ, იმას, რომ რუსეთის დელეგაცია შვეიცარიაში მშვიდი და პროდუქტიული საუბრების სურვილით მიემგზავრება, იმისთვის, რომ შავი ზღვის საჭირბოროტო საკითხები, უსაფრთხოებისა და სტაბილურობის სფეროში განიხილოს. მოვუწოდებთ ქართველ პარტნიორებს ანალოგიურად მოიქცნენ", - ნათქვამია რუსეთის საგარეო საქმეთა სამინისტროს მიერ გავრცლებულ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის საგარეო საქმეთა მინისტრმა ანკარაში განაცხადა, რომ კიევი მზადაა რუსეთთან „უპირობო ცეცხლის შეწყვეტისთვის“

რუტე: მომავალი წლისთვის ალიანსს ექნება შესაძლებლობა, ყოველწლიურად 4 მლნ-მდე ჭურვი აწარმოოს

დონალდ ტრამპი ანკარაში ჩავიდა

პაპუაშვილი: ევროკავშირს აღარ აქვს ფუფუნება, საკუთარ თავს კვლავ ექსკლუზიურ კლუბად აღიქვამდეს