2017-03-13 13:53:10, 2706 ნახვა
მსოფლიო
ერაყის შეიარაღებულმა ძალებმა „ისლამური სახელმწიფოს“ 180-მდე მეთაური გაანადგურა
ერაყის შეიარაღებულმა ძალებმა საერთაშორისო კოალიციასთან ერთად, მოსულზე იერიში განახორციელეს, რის შედეგადაც „ისლამური სახელმწიფოს“ 180-მდე მეთაური დაიღუპა, - ამის შესახებ BBC იუწყება.
მედია საშუალების ინფორმაციით, ქალაქის დასავლეთ ნაწილში ჩარჩენილი მებრძოლები ალყაში არიან მოქცეულნი.
გასული ღამის განმავლობაში, ერაყის ძალებმა ქალაქიდან გასასვლელი უკანასკნელი გზა გადაკეტეს. ამ დროისთვის ისლამისტებისგან გაწმენდილია მოსულის 40-დან 17 კვარტალი.
ცნობისთვის, მოსულის გამათავისუფლებელი ოპერაცია 2016 წლის 17 ოქტომბერს დაიწყო.
შეგახსენებთ, რომ ჯიჰადისტები ერაყის მეორე ქალაქს 2014 წლიდან აკონტროლებენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
