პარლამენტმა მთავრობის მიერ ინიცირებული საკანონმდებლო პაკეტი დაამტკიცა, რომლითაც ფინანსური ზედამხედველობის სამსახური ეროვნულ ბანკის შემადგენლობაში დაბრუნდა.

კანონმდებლებმა „საქართველოს ეროვნული ბანკის შესახებ“ ორგანულ კანონში ცვლილების შეტანის თაობაზე“ კანონპროექტი და მისი თანმდევი პროექტები დღევანდელ პლენარულ სხდომაზე დაჩქარებული წესით, მეორე და მესამე მოსმენით განიხილა.

ცვლილების თანახმად, საფინანსო სექტორის ზედამხედველობის განმახორციელებელ ორგანოდ, საქართველოს საფინანსო ზედამხედველობის სააგენტოს ნაცვლად, საქართველოს ეროვნულ ბანკი განისაზღვრება.

დეპუტატებს აღნიშნულ კანონპროექტთა პაკეტთან დაკავშირებით შენიშვნები არ გამოუთქვამთ და მის მიღებას მხარი ერთხმად დაუჭირეს.

აღნიშნულიდან გამომდინარე, ცვლილება შედის „საქართველოს პარლამენტის რეგლამენტში“. წარმოდგენილი პროექტით საქართველოს პარლამენტის რეგლამენტიდან ხდება იმ დებულებების ამოღება, რომელიც საფინანსო ზედამხედველობის სააგენტოს ფორმირების წესსა და ანგარიშვალდებულებას, ეხება ვინაიდან აღნიშნული სააგენტო უქმდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NYT: ტრამპი აპირებს, თურქეთისთვის ამერიკული F-35 გამანადგურებლების მიყიდვის ნებართვა მისცეს

პოლონეთმა განაცხადა, რომ 2022 წლიდან დღემდე უკრაინას 4.5 მილიარდი დოლარის ღირებულების იარაღი გადასცა

საქართველოს მოსახლეობის რიცხვი იზრდება, მაგრამ არა ეთნიკური ქართველების ხარჯზე - რატომ გარბიან ქართველები ქვეყნიდან?

ზელენსკიმ განაცხადა, რომ ომის შედეგს „ცა“ განსაზღვრავს და პუტინს მოსკოვში ათასი დრონის გაგზავნით დაემუქრა