2017-02-21 15:32:31, 4244 ნახვა
მსოფლიო
პაკისტანში აფეთქებას 5 ადამიანი ემსხვერპლა - პასუხისმგებლობა ტერაქტზე „თალიბანმა“ აიღო
ცენტრალურ პაკისტანში, სასამართლოს შენობაში სამი მებრძოლის მიერ განხორციელებული აფეთქებების შედეგად სულ მცირე 5 ადამიანი დაიღუპა, 20 კი დაშავდა, - ამის შესახებ Reuters-ი იუწყება.
მედია საშუალების ცნობით, მებრძოლები სასამართლოს შენობაში შეიჭრნენ და ცეცხლი გახსნეს. არსებული ინფორმაციით, თავდამსხმელებს ხელყუმბარები ჰქონდათ.
ერთ-ერთმა თავდამსხმელმა თავი შენობის მიმდებარე ტერიტორიაზე აიფეთქა, ხოლო ორი სამართალდამცველებმა ადგილზევე გაანეიტრალეს, თუმცა ვრცელდება ინფორმაცია, რომ ერთ-ერთი თავდამსხმელი ჯერ კიდევ ცოცხალია და სასამართლოს შენობაში იმალება.
აღნიშნულ თავდასხმაზე პასუხისმგებლობა ტერორისტული დაჯგუფება "თალიბანმა" აიღო.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
