საპარლამენტო უმრავლესობის წევრის მამუკა მდინარაძის განცხადებით, ტელეკომპანია „რუსთავი 2“ -ის დირექტორისთვის უმჯობესია ყველა არსებულ კითხვას პასუხი გასცეს.

როგორც მდინარაძემ ჟურნალისტებს განუცხადა, გვარამია ექსპერტიზას და ხელისუფლებას თავს ესხმის, რაც თავისი პიარკამპანიის ნაწილია.

„რატომ არ მიდის გამოკითხვაზე , ეს თავად გვარამიას უნდა ჰკითხოთ. სად წავა ეს ჩვენი საქმე არ არის. 15 წუთიანი თავის მართლება ვნახეთ პირდაპირ ეთერში,  თავის მართლებას და უკაცრავად ჟარგონისთვის „გაპრავებას“ სჯობს ყველა კითხვას პასუხი გასცეს. მაგალითად, რატომ იბარებდა ანგარიშს სასამართლოს თავმჯდომარისგან, როგორც ამოიყვანა ურთმელიძე და როგორ ეჩხუბებოდა მას ტელეკომპანია საქართველოს ქონების დაყადაღებაზე. სჯობს ჩანაწერებზე ისაუბროს და თქვას, რატომ ხდებოდა სასამართლოს საქმიანობაში ჩარევა. მისი საუბრიდან შეგვიძლია დავასკვნათ, რომ ის ექსპერტიზას და ხელისუფლებას თავს ესხმის. მან მიზანში ამოიყვანა ექსპერტიზა რათა, რამენაირად „გააპრავოს“ თავისი პიარკამპანია, რომელსაც ამ ხნის განმავლობაში ეწევა“, - განაცხადა მდინარაძემ.

ცნობისთვის, ტელეკომპანია „რუსთავი 2“-ის დირექტორი შსს-ში გამოკითხვაზე მოწმის სახით არის დაბარებული, თუმცა გვარამია გამოკითხვაზე მისვლას არ აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა