მერია: „ბავშვთა სამყაროში“ ხანძრის შედეგად სეიფები დაზიანებული არ არის

2017-01-30 16:29:36, 1038 ნახვა

საზოგადოება

თბილისის მერიის პრესამსახურის ინფორმაციით, სავაჭრო ცენტრ „ბავშვთა სამყაროში“ საგანგებო სამსახურისა და ოქროს ბირჟის საცავის წარმომადგენლები შევიდნენ.

როგორც თამარ ბოდოკია Facebook-ის გვერდზე წერს, სეიფები დაზიანებული არ არის.

„ახლა საგანგებო სამსახურისა და ოქროს ბირჟის საცავის წარმომადგენლები შევიდნენ დამწვარ შენობაში. საბედნიეროდ, სეიფები დაზიანებული არ არის“,- წერს ბოდოკია.

შეგახსენებთ, რომ მასშტაბური ხანძარი „ბავშვთა სამყაროში“ ღამის 3 საათზე გაჩნდა. 10 ათასზე მეტი კვადრატული მეტრის ფართობი მთლიანად განადგურდა. ჩამონგრეულია შენობის ნაწილი. ზარალი დიდია, ზიანი1000 -ზე მეტ მეწარმეს მიადგა.

ცნობისთვის, დაზარალებულები ტერიტორიაზე შესვლას და საკუთარი ქონების გამოტანას ცდილობდნენ, თუმცა საშიშროების გამო სამაშველო სამახურმა მათ ამის საშუალება არ მისცა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან