კერესელიძე: გერმანიის მიერ ასოცირების ხელშეკრულების რატიფიკაცია, ჩვენი ევროპული არჩევანის მიმართ მხარდაჭერის გამოხატულებაა

2015-03-30 11:25:02, 425 ნახვა

პოლიტიკა

"ბუნდესტაგის მიერ საქართველო-ევროკავშირს შორის გაფორმებული ხელშეკრულების რატიფიკაცია ადასტურებს, რომ გერმანია ევროატლანტიკური მიმართულებით, საქართველოს არჩევანს მხარს უჭერს",-ამის შესახებ დღევანდელ ტრადიციულ ბრიფინგზე საგარეო საქმეთა სამინისტროს პრესსპიკერმა დავით კერესელიძემ განაცხადა.

მისივე განმარტებით, ჯამში ასოცირების ხელშეკრულების რატიფიკაცია 16-მა ქვეყანამ და ევროპარლამენტმა მოახდინა.

"ევროკავშირის ერთ-ერთი წამყვანი ქვეყნის მიერ ამ ხელშეკრულების რატიფიკაცია, კიდევ ერთხელ ხაზს უსვამს იმას, რომ გერმანია მხარს უჭერს ჩვენს არჩევანს ევროატლანტიკური მიმართულებით და მადლიერები ვართ, რომ ეს რატიფიკაცია მოხდა. ბუნდესტაგის სხდომას ესწრებოდნენ კანცლერი მერკელი და საკითხი გამოიტანა საგარეო საქმეთა მინისტრმა შტაინმაიერმა და ამ დოკუმენტს მხარი დაუჭირეს როგორც მმართველი პარტიის, ასევე ოპოზიციის გუნდმა. გამოდის, რომ ჩვენ უკვე გვაქვს 16 ქვეყანა და ევროპარლამენტი, რომელმაც მოახდინა რატიფიკაცია",-განაცხადა დავით კერესელიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან