თავდაცვის სამინისტრომ სამსახურიდან წასულ ოფიცრებზე კომპენსაციები გასცა

2016-12-30 13:14:05, 863 ნახვა

სამხედრო

თავდაცვის სამინისტროში მიმდინარე რეორგანიზაციის ფარგლებში, სამსახურის დატოვება ოფიცრებსაც მოუწიათ.

მინისტრის, ლევან იზორიას განცხადებით, მომავალ წელს იგეგმება მნიშვნელოვანი ნაბიჯები, რომლებიც მიმართული იქნება ოფიცრების კვალიფიკაციის შემოწმებაზე, მათ შორის ფიზიკურ ტესტირებაზე.

იზორია ამბობს, რომ აღნიშნული მოთხოვნის შემდეგ, ოფიცრებმა სამსახურიდან წასვლის გადაწყვეტილება თავად მიიღეს.

ამასთან, მინისტრის თქმით, თავდაცვის სამინიტრომ უპრეცენდენტო გადაწყვეტილება მიიღო, რომელიც ოფიცრებზე კომპენსაციების გაცემას უკავშირდება.

"დაახლოებით გაიცა, 5 მილიონ 200 ათასი ლარის კომპენსაცია. მსურველი მეტი იყო, თუმცა ამ ეტაპზე შევაჩერეთ. ჩვენ უნდა უზრუნველვყოთ კარიერული ზრდის ხელშეწყობა", - აღნიშნა ლევან იზორიამ.

თავდაცვის სამინისტროში ოპტიმიზაცია იანვრის ბოლომდე დასრულდება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან