2016-12-21 12:53:04, 1629 ნახვა

---

ბესელია: ვისურვებ, რომ რჩეულიშვილის საქმეზე მოსამართლემ გადაწყვეტილება ყველა გარემოების გათვალისწინებით მიიღოს

იურიდიულ საკითხთა კომიტეტის თავმჯდომარის ეკა ბესელიას განცხადებით, ის ისურვებდა, რომ მაია რჩეულიშვილის საქმესთან დაკავშირებით მოსამართლემ გადაწყვეტილება ყველა გარემოების გათვალისწინებით მიიღოს.

როგორც ბესელიამ აღნიშნა, როდესაც საქმე ქალის პატიმრობას ეხება, საქმე საკმაოდ მგრძნობიარეა.

"ვფიქრობ, რომ სასამართლოზე არ უნდა მოხდეს გარე ჩარევა. როგორც წესი, ეს ცუდ ფორმად მიიჩნევა, როდესაც მოსამართლე იხილავს საქმეს და გარედან რაიმე ფორმით ხდება მოსამართლის გადაწყვეტილებაზე ზემოქმედება. ვისურვებ, რომ მოსამართლემ გადაწყვეტილება მიიღოს, ყველა გარემოების გათვალისწინებით. ნამდვილად არა ვარ გულგრილი რა ინფორმაციაც მესმის ქალბატონ რჩეულიშვილის ჯანმრთელობის მდგომარეობასთან დაკავშირებით”, - განაცხადა ეკა ბესელიამ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი