მამიკინსი: საქართველოს მოქალაქეები ევროკავშირში უვიზოდ აპრილის ბოლოდან იმოგზაურებენ

2016-12-14 14:25:51, 1179 ნახვა

პოლიტიკა საზოგადოება

ევროპარლამენტის წევრ ანდრეს მამიკინსის განცხადებით, საქართველოს მოქალაქეები ევროკავშირში უვიზოდ აპრილის ბოლოდან იმოგზაურებენ.

როგორც მამიკინსმა აღნიშნა, ვიზალიბერალიზაციასთან დაკავშირებით კენჭისყრა იანვარში ან თებერვალში შედგება.

არსებული ინფორმაციით, ევროკავშირის ბეჭდურ გამოცემაში საქართველოს ვიზალიბერალიზაციასთან დაკავშირებული ინფორმაცია მომავალი წლის 15 აპრილამდე გამოქვეყნდება.

ცნობისთვის, დღეს დროებითი შეჩერების მექანიზმზე ევროპარლამენტში დებატები იმართება, საკითხზე კი კენჭისყრა ხვალ არის დაგეგმილი.

შეგახსენებთ, რომ ევროპარლამენტმა და ევროკავშირის საბჭომ საქართველოს ვიზალიბერალიზაციაზე პოლიტიკურ შეთანხმებას მიაღწიეს. როგორც სლოვაკეთის საგარეო საქმეთა მინისტრმა მიროსლავ ლაიჩაკმა ევროკავშირის საგარეო საქმეთა მინისტრების შეხვედრის დაწყებამდე ჟურნალისტებს განუცხადა, 20 დეკემბერს აღნიშნულ საკითხს ევროკავშირის მუდმივ წარმომადგენელთა კომიტეტი (COREPER) განიხილავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან