თიბისი ბანკი 2016 წლის საუკეთესო ბანკი გახდა საქართველოში. ეს სტატუსი ბანკს მსოფლიოს ავტორიტეტულმა ფინანსურმა ჟურნალმა „The Banker" ლონდონში, მსოფლიოს საბანკო დაჯილდოების ცერემონიალზე მიანიჭა.

თიბისი ბანკმა „The Banker" -ის პრესტიჟული ჯილდო 2002 წლიდან დღემდე უკვე მერვედ მიიღო.

2016 წელს თიბისი ბანკს სხვა აღიარებებიც ხვდა წილად. ბანკმა ასევე მიიღო წლის საუკეთესო ბანკის ჯილდოები ჟურნალებისგან: Euromoney, Global Finance და EMEA Finance Magazines.

 „The Banker"-მა თიბისი ბანკი დააჯილდოვა ბაზარზე მოპოვებული ლიდერობისათვის და  „ბანკ რესპუბლიკასთან" მიღწეული გარიგებისათვის, რომლის თანახმად ეს უკანასკნელი თიბისი ბანკს შემოუერთდა. ხაზი გაესვა თიბისის კლიენტებთან ურთიერთობის მართვის განსაკუთრებულ შესაძლებლობებს, როგორც ბანკის მთავარ კონკურენტულ უპირატესობას.

 „ჩვენთვის დიდი პატივია ამ პრესტიჟული ჯილდოს მიღება. ჩვენ 2016 წელს უკვე მეოთხედ ვიღებთ საუკეთესო ბანკის ჯილდოს, რაც ბანკის ძლიერი ფინანსური შედეგებისა და სრულყოფისკენ მუდმივი სწრაფვის აღიარებაა", - განაცხადა თიბისი ბანკის დირექტორმა, ვახტანგ ბუცხრიკიძემ.

გავლენიანი ფინანსური გამოცემა "The Banker" ყოველწლიურად ავლენს და აჯილდოებს 149 ქვეყნის საუკეთესო ფინანსურ ინსტიტუტებს მათ შედეგებსა და მიღწევებზე დაყრდნობით.

საუკეთესოთა შორის საუკეთესოები გამოვლინდებიან წლის ბოლოს გამართულ დაჯილდოების ცერემონიაზე, სადაც ჟურნალი მსოფლიოს საუკეთესო ბანკს აცხადებს და ჯილდოებს გადასცემს რეგიონისა და ცალკეული ქვეყნების გამარჯვებულებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა